麥當勞走飲管唔走杯蓋是咪罪？有疑似港媽網民在網上討論區發帖，苦訴一段光顧麥當勞的不快經歷。她向麥當勞小職員要求少冰走杯蓋，然而麥當勞小職員似乎無法滿足港媽要求；「口窒窒」表示杯蓋是公司規矩，更要驚動經理！港媽認為即使是公司規定，但「客人要求應該冇問題啩」。港媽坦言「這杯走蓋 ZERO 真係得來不易」，厲害了！
小薯口窒窒指公司規定要加蓋？
是這樣的。疑似港媽網民「麟媽媽」日前在網上討論區「親子王國」發帖，題為「麥當勞的低智制度！」港媽在帖子怒轟：「我去買個包加個細汽水，知道麥當勞唔派發飲管，就叫落單嘅姐姐麻煩你少冰走蓋。員工口窒窒說公司規定要加蓋.... 我話唔用飲管環保係好事，但堂食要個蓋黎做咩呢？跟住呢個員工竟然走去問經理！OMG! 公司規定要加蓋，但客人要求唔要應該冇問題啩？這杯走蓋 ZERO 真係得來不易！」
網民：「驚倒瀉」、「成杯都係塵」
港媽帖子贏得網民踴躍回應。有網民解釋：「可能試過好多次客人倒瀉晒落地」、「驚倒瀉，驚一早斟定既話成杯都係塵」。
有網民勸喻：「唔好嬲！大公司就係咁，什麼也講制度 冇 flexibility」。
港媽：「蓋住幾秒變垃圾」
經過網民接力連番解釋，港媽霸氣回應：「我就唔係嬲，不過既然走得飲管，嗰個蓋根本冇作用，唔掉左個蓋根本就飲唔到啲汽水，蓋住都冇幾秒就變成垃圾」。
網民：「佢唔敢話事，因為佢係最細」
不過，網民似乎依然「膠都費事俾」，繼續勸喻。有網民直線 K.O. 可謂勸到港媽一棟都冇：「因為大公司，有制度，冇左個杯蓋對我地係好易、環保、慳錢。但對一個小職員黎講，佢唔敢話事，因為佢係最細，如果唔比個杯蓋你，佢要唸後果係點？會唔會打瀉整到你或其他人？佢地公司有冇責任？會唔會比人鬧？會唔會被人映張相上報話：麥記現在連蓋都唔比？！仲可能有好多好多既唔同既可能性～不同位置，有不同考慮，可以體諒下唔同崗位既人」。
不能只有你勸喻，其他網民也抽擊：「員工都係盡本份問下經理打個底先，一陣俾經理見到以為佢偷懶做少樣野又麻煩。最後走到蓋都算係咁」、「小事 佢要比蓋我咪要蓋」。
你又認為，麥當勞小薯「走飲管，唔走杯蓋」的做法，是否適當？你能同意港媽更多嗎？
【精選消息】
【精選消息】
Source：www.baby-kingdom.com