當遺失手機時，不少人的做法會是致電自己的手機，看看有否好心人拾得，然後相約交收。可是有網民在藍田匯景商場遺失 iPhone 8 Plus 後，竟有特別的應對方法，就是出 post 反罵拾得手機的「西裝眼鏡佬」有機不還。樓主更霸氣直言：「見到嘅好交返出嚟，我當無事發生，我已經用尋找 iPhone 鎖咗機，問過先達佬話唔會收機，你要自用都用唔到，畀返我好過啦！」，以及「成件事係條友有心唔畀返我，我一打過去個電話已經唔通，好肯定部機大把電，依家係有心唔畀返我，唔通我重要求你畀返我？」
【相關報道】
【相關報道】
網民看到樓主的霸氣帖文後，不是認為「西裝眼鏡佬」拾機不還做法有問題，反而鬧爆樓主如今有求於人都可以這樣無禮，完全違反自然定律。有網友大罵：「自己整唔見仲咁惡」、「咁嘅態度......等畀人圍插」、「基本嘅禮貌都冇，仲要求人，人地唔係搶 / 偷你，分分鐘埋咗佢都唔畀返你，檢討下自己先啦」之外，也直指：「咁冇禮貌嘅人，睇嚟跌電話係一個報應」、「畀 5000 我都唔會交還」。
此外，也有網民留言恥笑樓主「會唔會太天真，大把鎖機都會收」、「鎖咗幾都收，收 500」、「當零件都賣到錢的！」，更祝樓主的手機「從此石沉大海」。看來一眾巴絲打對於無禮之人都相當齊心，群起聲討 dislike 已是回 post 指定動作。
精選網民留言：
- 咁嘅態度......等畀人圍插
- 基本嘅禮貌都冇，仲要求人，人地唔係搶 / 偷你，分分鐘埋咗佢都唔畀返你，檢討下自己先啦
- 自己整唔見仲咁惡
- 樓主會唔會太天真，大把鎖機都會收
- 憑咩用唔到就要畀返你，掉咗唔好？
- 當零件都賣到錢的！
- 華強一定收
- 咁冇禮貌嘅人，睇嚟跌電話係一個報應
- 「跪求」兩個字係最低消費啦！
- 執得返個殼其實都好好㗎啦
【相關報道】
【相關報道】
Source: Axel Roxas @ 巴打絲打 Facebook Club