華為 Huawei 產品疑裝設後門程式的情況，不是新鮮事，據早前外媒報道稱，美國微軟（Microsoft）公司發現，華為 Matebook 手提電腦確曾裝有「後門」，並通知華為作出修補。最近有外國網友在 GitHub 出 post 表示，華為 P30 Pro 懂得跟中國伺服器「自動連線」，即使沒加入 Huawei ID，手機都會主動在 DNS 查詢多個中國伺服器，包括全國互聯網安全管理服務平台 www.beian.gov.cn 等，嚴重威脅私隱安全。
【相關報道】
【相關報道】
一眾香港網民得悉華為 P30 Pro「自動連線」中國伺服器的情況，均表示「不意外」、「唔 Send 返中國先奇」、「冇聯絡先係新聞」外，更曲線表示「好有種去邊都有強大嘅祖國照住嘅感覺，上襯咩網都經一經祖國強大伺服器隔一隔咁，好安全」，以及「用華為，中蟈又成為最後大贏家」。
不過當中也有網友強調「大陸要拉你，你用咩手機都會拉你㗎啦」，是否用華為手機，根本關係不大。只是有網民突破盲點地提到：「連晚晚週（孟晚舟）都要用 Apple」、「你見葉劉都知唔對路買完送畀人」，大可推算用華為產品其實不太安全，甚至有網民笑言：「其實好人好姐，用乜 X 大陸機，就算話部摺機幾正都係咁話」。
網民有話兒：
- 唔 Send 返中國先奇
- 連晚晚週都要用 Apple，完全唔明買華為電話係咩心態
- 喺 Twitter post 咗，好多人都唔知發生咩事
- 好有種去邊都有強大嘅祖國照住嘅感覺，上襯咩網都經一經祖國強大伺服器隔一隔咁，好安全
- 如果連登仔係咁驚有後門，咁點解仲有咁多連登仔用大陸手機 OnePlus 呢？
- 用華為，中蟈又成為最後大贏家
- 其實個個國家都會做監控，只係国企既手法太低劣，令人十分反感
- 我行得正企得正唔代表要畀佢知我睇緊聽乜講乜，呢啲歪理留返香港以北
- 其實好人好姐，用乜 X 大陸機，就算話部摺機幾正都係咁話
- 大陸要拉你，你用咩手機都會拉你㗎啦
【相關報道】
【相關報道】