中國傳統相信牛頭馬面是鬼差，會帶領亡者到地府接受審判。今日消防處便在 facebook 發帖，以任何仁 x 牛頭馬面作宣傳，呼籲巿民注意登山安全，勿走高危位置。帖子發布以後，大部份網民都相當受落，紛紛讚好及分享。
【網絡熱話】
消防處在帖文表示：「任何仁行山，一定唔會行近高危位置，仲會特別留意警告牌嘅提示。行得正，企得正，影得靚。」同時呼籲巿民：「事先計劃好路線，留意天氣變化，帶充足裝備，揀有明確路標嘅山徑，留意警告指示牌，唔好亂抄小徑自行開路，唔好亂闖密林山澗懸崖， 唔好攀爬峭壁，勿做獨行俠」，並叮囑：「安全至上，命仔咁緊要，靚景打卡都唔使揾命搏，攀山涉水量力而為。」
不過最搶眼的還是相片，相中可見牛頭馬在警告牌後，並招任何仁前來，但任何仁拒絕，比喻不理警告接近山崖，隨時會遇險。至於網民方面都相當受落，留言包括：「牛生，馬生你地都返入黎先，好危險」、「想知牛生馬生係咪生死註冊處KOL」、「都話郊外既牛係人扮架啦」、「安全行山要著合適嘅衫褲鞋襪呀！包住哂就任何仁都唔怕曬傷！」、「切勿登入遺照自拍區」、「幾時有任何仁 figure 賣？」等。
【網絡熱話】
【網絡熱話】