周不時會聽到一些打工仔分享自己上司訂立的無理規矩，曾有打工仔指上司會限制員工一日如廁時間，甚至工作時間不能飲水等不人道對待。而今次則有網民在 Facebook 群組「奴工處」內，以「大家都應該知道肚屙嘅嘢話唔埋架啦！」為題，分享自己因肚屙上廁所卻被上司在 WhatsApp 群組內，公然質問為何不在座位，更指「明知會肚屙都唔一早去定廁所」！之後更斥樓主「如果一早去定就唔洗等到 last minute 先去！」樓主聞言嬲爆，在網上怒問「我真係想知咁我以後係咪要每日一起身就屙定晒一日嘅份量？」
【相關報導】
不少網民看到樓主分享後都嘲其上司「以後招聘可以寫明：長期便祕者優先」，同時有網民更笑稱「 申請將屎坑變座位,一路嘭嘭嘭聲 fifi 聲屙屎,一邊做野」、「如叫你上司一早飲曬全日所需嘅水，然後就可以成日唔洗飲水啦.」、「佢唔預先食曬早午晚餐？痾曬一日嘅屎尿屁，咁一日咪多左好多時間用囉」、「好似睇戲前叫 d bb 屙定尿咁」、「肚痾喎，有得預知㗎？正常嚟講應該係食錯嘢，咁如果我知幾時痾，不如唔好食引致我肚痾嘅嘢！」、「 佢咁講法，即係每個員工每日朝早都喺屋企痾定一日份量先返工，咁公司咪唔需要有廁所」。
更有網民指身同感受，「我都試過咁比上司問候，但攪起肚痛嚟都唔想架」、「我以前份工都試過 咁岩開 briefing 前 10 分鐘先肚痛 立馬跑去廁所 去之前已經同佢講我肚痛 番黎都照比老細話點解唔可以等多 15 分鐘開埋個 briefing 先去呢 全世界都等緊你架」，更有網民指若事件屬實，建議樓主可到勞工處投訴其僱主。
【相關報導】
【相關報導】
Source：奴工處@Fb