蘇寧香港網店今日凌晨發生標錯價事件，$59 買 1TB 外置硬碟機、$5.8 買 30 包 Tempo 紙手巾等，吸引大批網民搶購！
標錯價發生於 5 月 7 日凌晨零時許，蘇寧香港網店標示為「深圳倉」出貨的產品均為原價 1 至 2 折，外置硬碟機等電子產品當然率先沽清，而即食麵、零食、紙巾等，陸續出現缺貨情況。其後蘇寧香港於凌晨 1 時許，突然將運費調高至 HK$999,999，企圖阻止網民繼續落單。
【相關消息】
【相關消息】
【相關消息】
不過，蘇寧今次似乎不打算「找數」，今早蘇寧香港網店已就事件發出系統故障聲明，指「香港蘇寧網上商店系統於 2019 年 5 月 7 日凌晨時份發生故障，導致部分商品之價格自動標示出現錯誤，有關問題已於同日凌晨四時全面修復。就上述故障造成不便，香港蘇寧特此向受影響之顧客致歉，並將陸續安排專員聯絡跟進。」
【相關消息】
聲明發出後，陸續有網民收到電話。節錄蘇寧香港 Facebook 專頁網民留言包括：「啱啱有職員打嚟話會安排退款，話暫時唔會有回贈優惠劵嘅安排」；「點解要退錢？為咩事要退錢？你單方面話退款就退款？係你公司出錯卻要消費者一同承擔責任？一個致歉就了事？顧客已完成整個購物付款程序，但你未能收款後提供商品，或已構成違反商品說明條例」、「唔出貨，報海關！」、「唔洗講咁多，打三個字就得，唔認數」。似乎，蘇寧男今次並非「找數真漢子」了。
【相關消息】
【相關消息】
Source：Suning 蘇寧 ＠ Facebook