在香港，如巴士、港鐵等公共交通工具會有部分座位劃為關愛座或優先座，好讓長者、孕婦、需要照顧孩童的成年人或行動不便的人能先行坐下。最近有巴打驚覺如今連小巴都終設關愛座，更拍照 post 到 FB 群組討論一番！到底其他網民對小巴關愛座有何看法呢？
【相關報道】
【相關報道】
觀望一眾網民留言，可見網友對於小巴設置關愛座的措施不感特別高興，原因是「問題係就算滿座，再有老人家想上，你都要落車，如果唔係，會畀啲有心人拍片擺上網話你霸佔關愛座」，以及提到「多餘之舉，所有座位都係關愛座，講完。」、「小巴從始多事」、「遲啲連的士都有」。
另外，由於現時在路面行走的小巴只設座位不設企位，如在總站上車的話，通常是載滿客就開車，因此有部分網民不解設立關愛座的用意為何，更問及：「小巴得坐位，無企位都要關愛？」、「小巴係有位就上，上滿就開車，要個關愛座做咩呢？」之外，也有網民提出，如果小巴最後一個位是關愛座的話，後生仔應否上車？這說不定是博士級的學術討論題呢！
老實講，小巴關愛座不是新鮮事，在 2017 年 19 座小巴投入服務之時，已有個別 19 座小巴車款，將最前排的座位設定為關愛座，以便以上有需要人士出入。
網民對小巴關愛座之疑問：
- 如果小巴最後一個位係關愛座到後生仔上車時可以坐嗎？
- 小巴得坐位，無企位都要關愛？
- 呢個位方便老人家上落？
- 即係呢個位我坐好唔坐好？
- 有啲線成車都係老人，咁邊個讓邊個？
- 小巴係有位就上，上滿就開車，要個關愛座做咩呢？
- 要起身落車讓坐？
其他網民留言：
- 多餘之舉，所有座位都係關愛座，講完。
- 遲啲連的士都有
- 小巴從始多事
- 問題係就算滿座，再有老人家想上，你都要落車，如果唔係，會畀啲有心人拍片擺上網話你霸佔關愛座
- 香港人嘅人情味已經去晒錢度！愈來愈自私！關愛座對香港人係無用！但係仲有小部分人有人情味！希望香港人有返啲人情味！
【相關報道】
【相關報道】