自小便教導要路不拾遺，但有多少人能夠在拾到貴重物品後不起貪念，將物品物歸原主呢？有網民在「大埔」Facebook 群組內發文指自己女兒在上學途中不幸遺失了一個裝有 HK$3,180 的車費袋，樓主更指錢袋內的錢足以讓自己一家四口買一個月餸，但之後四處尋覓無果，在心灰意冷時接到好心人電話，將錢袋歸還，故特意在群組發帖感謝該名在地盤工作的好心人。
【相關報導】
樓主稱女兒得知自己遺失車費袋後，已經即時「喊住」打電話回家，而樓主自己收到電話後亦馬上到街上找尋，可惜樓主指「搵咗好耐，垃圾桶都睇咗，坑渠都睇咗，都搵唔到」，最後只好失望而回，但當樓主回到家後，就接到學校的電話，告知樓主有好心人拾到車費袋，樓主激動地稱「嗰一刻我真係喊咗出嚟」，之後便聯絡好心人黎先生並取回車費袋。事後更用 hashtag 在帖文下方指「邊個話做地盤係粗人」、「香港好在有你」、「黎生感激你」等感激的字句。
不少網民都留言大讚該名好心人，「好彩畀好人執到，好人有好報」、「慶幸有這麼好的人」、「好人好事」、「職安真漢子」，同時有網民亦分享自己遇到過的好人好事，「我媽咪都曾經試過病病地個時，在大埔墟跌咗個銀包，入面差唔多有 $2,000，我個時又係周圍搵，渠蓋垃圾桶都搵埋都冇。非常非常失望，點知第二曰收到警察電話，話有人執咗放在郵筒入面！入面 1 毫子都冇少，個刻我哋成家人開心到想喊！所以好人好事要繼續宣掦開去！」另外亦有網民建議樓主下次改用支票，減低「跌錢」的機會。
【相關報導】
【相關報導】
Source：大埔 @ Facebook