馬路上經常會見到單車與汽車爭路的危險情況，近日又有司機爆出車 Cam 片，指自己駕駛一輛載有幼稚園學生的校巴在路上行駛時，經過避車處時與一名單車阿伯擦身而過，之後校巴等紅綠燈時，單車阿伯怒氣衝衝追上前，將單車停在樓主的校巴前，大聲指責樓主在避車處時故意將車身駛近自己，更指樓主駕駛的校巴「太大架」嚇倒自己，所以將單車停在校巴前面，欲與樓主爭論。
【相關報道】
樓主事後將車 Cam 上傳至 Facebook 群組，由片段可見，樓主的校巴在避車處與單車阿伯相遇時，兩車之間仍留有相當闊的距離，而非單車阿伯所說的樓主故意將校巴駛近自己，如是者校巴繼續向前駛，並駛至燈位停下，而單車阿伯亦在數秒後駛至燈位，並將單車停在校巴前，不斷強調樓主「迫到自己」、「嚇親自己」，令樓主多次重複「我無迫到你」、「我邊有迫到你」等字句，之後樓主則有主動詢問「咁你想點啊，你人有無事啊？嚇親你，洗唔洗報警啊？」
不過，單車阿伯越說越激動，期間更爆出粗言穢語，令樓主馬上指「鬧我唔緊要，麻煩你斯文啲，呢度成車小朋友，你唔好講粗口」，同時亦有向對方道歉，但阿伯毫不領情。整段車 Cam 片段長約 3 分半鐘，到片段最後依然看到單車阿伯將單車停在路中心。事後樓主補充已報警處理，而警方到達前有途人幫忙將阿伯的單車移開，所以樓主並無等待警察到場，只留下車上一名老師與警方交涉，自己亦不清楚最後結果如何。
遇上無理的單車阿伯，樓主仍然保持禮貌，令不少網民留言大讚，「樓主 EQ 高」、「個 like 係比個司機嘅」、「學到嘢，唔需要大聲吆喝」。同時亦有不少司機網民感同身受，「又係單車 X，知路權唔知路責，一味以為自己唔係交通工具，想衝燈就衝燈，衝行人路就衝行人路，逆線都當攞正牌。」、「又係呢啲歪理當真理阿伯」、「阿伯，咁驚青就唔好踩馬路啦，架車離你咁遠駛過又唔得」。
【相關報道】
【相關報道】
Source：馬路的事討論區 @ Facebook