現在提起「美食沙漠」的話，自然會想起馬鞍山這個新市鎮，尤其早前馬鞍山頌安吉野家開張的萬人空巷情景，更使其「美食沙漠」之名真非浪得虛名！不過，在部分網民眼中，全港尚有其他地方比馬鞍山更值得冠以「美食沙漠」之名，到底有那些地方比馬鞍山更缺乏好美食呢？
【相關報道】
【相關報道】
雖則馬鞍山被世人公認為「美食沙漠」，連吉野家、爭鮮、譚仔等普通不過的食肆都可以大排長龍，但有網民認為馬鞍山近來的食店選擇已增加不少，至少有吉野家已可洗脫「美食沙漠」污名。相反，青衣、東涌等地才是真正的「美食沙漠」：「成個青衣得青衣城有少少連鎖店揀吓，外面真係猶如沙漠一樣 X 都無 X 得食」、「去青衣城完全諗唔到食咩，見到有間天婦羅嘅排晒長龍，實無死啦，點知都係好麻麻，想像唔到其他可以有幾伏」、「青衣成個島都搵唔到有好食嘅先係終極大佬」、「東涌想打個吉邊都要遠征」、「東涌啲人排隊食翠華、茶木」。
之不過，有網民認真地將「美食沙漠」下定義，就是沙漠應跟「無嘢食」劃上等號，故此他認為「青衣呢啲有嘢食但係唔好食嘅我覺得唔算」。不知大家眼中的全港「美食沙漠」之冠，會在那裡呢？
網民「美食沙漠」精選：
馬鞍山
- 吉野家要聯署求佢開分店才有得食
- 馬鞍山人排隊食爭鮮
青衣
- 成個青衣得青衣城有少少連鎖店揀吓，外面真係猶如沙漠一樣 X 都無 X 得食
- 去青衣城完全諗唔到食咩，見到有間天婦羅嘅排晒長龍，實無死啦，點知都係好麻麻，想像唔到其他可以有幾伏
- 青衣成個島都搵唔到有好食嘅先係終極大佬
- 成個島無論住邊都無嘢食，青怡翠怡嗰啲私樓仲 onX，樓下無餐廳咁滯
東涌
- 東涌想打個吉邊都要遠征
- 東涌啲人排隊食翠華、茶木
調景嶺
- 樓下得堆快餐店，想 X 個拉麵都要去觀塘、寶琳
日出康城
- 搞咗咁多年先得間大家樂，仲要對住堆填區啲烏蠅一齊食
深井
- 你見大快活長期長龍，就明嗰度幾慘
荔景
- 當你發現荔景連 M 記都無嗰吓就知無得輸
- 慘過食 X，連 X 都無得食
- 地理問題無可厚非
【相關報道】
【相關報道】
Source: lihkg