現時大部份的咪錶位的確是比停車場收費便宜，但每次入錶只有 2 個小時時限，令不少想長泊的市民可能要來回多次，十分不方便。不過假如有專人代入咪錶，不知各位駕駛人士又點睇呢？近日，有網民在荃灣某咪錶停車場見到有人竟公然掛起橫額，以「代客入錶」及「代客泊位」做生意，令網民不禁嘲對方將公眾停車場變成私人停車場，更笑問「幾時有埋月租？」
【相關報導】
從照片可見，有人大膽地在該停車場的燈柱掛上紅色的橫額，上面寫明碼實價寫上「代客入錶 25 元一小時」及「代客泊位 25 元一小時」的字句，十分猖狂，而另一照片則拍攝到一名頭戴棒球帽，身穿粉紅色 T-shirt 的大叔，手上拿著一塊抹布疑為客人洗車，其身前更放有一塊紅色膠板，上面印有 2 個手機號碼，未知早否與「代客入錶」服務有關。
不過一眾司機網民則對「代客入錶」此服務不太受落，「一個人做得就區區都有人做到時真係大鑊」、「 垃圾會仲提議遲下泊車電子化，方便呢啲人霸足一世，真係叫市民唔楂車」，有網民則懷疑對方的做法是否已觸犯法例，「公共停車位攞嚟搵錢？有吉位果陣擺雪糕筒呀吓？覺得冇問題果班人你係咪有份呀？你唔係想話我知果度啲錶位係陀地位呀？冇問題吓」、「香港人離普世價值越來越遠！竟然明目張膽，公然犯法！」。另外有網民則笑稱對方定價太高，「泊停車場都係 19 蚊一個鐘！」
【相關報導】
【相關報導】
Source：VicoAuto 樂活車訊 @ Facebook