廣告都有教「駕駛時最忌心燥，禮讓最緊要。」不過近日一名自稱剛考到車牌的女 P 牌司機在 Facebook 群組內自爆車 cam 片段，片中可見她一直「篤油」不讓旁邊紅色的士駛至自己車前，更稱「小妹剛剛考到車牌，唔知咁樣啱唔啱呢？」，被網民嘲「讓下人唔使死嘅！」
【相關報導】
P 牌女司機分別上傳了 2 段分別前後車 Cam 片段，當時她正在獅子山隧道往九龍方向入口，該處剛好是兩線合一線的設計，而 P 牌女司機當時正在主線行駛，她的左手邊正有一輛紅色的士打算合併至樓主的車前，但從片段可見，樓主多次「篤油」緊貼前車，毫無讓對方的意思，直至馬上要進入隧道口，行車線亦收窄至只限一輛汽車前行，片段亦可見到的士的車頭其實已比樓主的車更前，但樓主仍「篤油」，最終的士司機只好無奈先讓樓主前行，之後再跟隨樓主車後。
而樓主的做法就引來不少網民批評，「二收一左邊一架右邊一架你唔識規矩㗎？人哋的士都讓咗你前面架七人車啦，仲要讓埋你？你邊位呀？」、「唔可以話你啱, 正常係一架讓一架入, 梅花間竹」、「無話啱唔啱嘅，佢又無格硬嚟…你又唔識規矩咁囉」、「你都幾老土」、「不成明規矩，一左右入，但唔讓又冇話犯法，讓一讓唔使死，家家有求」，而樓主見網民一面倒批評自己後，才恍然大悟地回應指「原來要梅花間竹，我下次會㗎喇！」
【相關報導】
【相關報導】
Source：馬路的事討論區 @ Facebook