Fashion 嘅嘢真係識條鐵？繼日前有大媽穿胸圍底褲落沙灘玩水，有網民行康怡吉之島就見到有「底褲男」出沒。最後網民分享上網，並徵集網民意見看看「有什麽要注意」！
【相關報道】
【相關報道】
大膽網民偷拍「底褲男」，並將照片分享到 Facebook 專頁「巴打絲打 Facebook Club」。從相中可見，「底褲男」穿著有點像日本學生體育服的白衣、白短褲、白鞋，拿著購物袋到超市購物。有其他網民表示過去亦曾見過他在當區出沒，形容他為「奇人異仕」。
一眾網民就創意留言說：「賴完尿無褲著」、「佢係底褲試着員」、「可能都好懷念著開浪褲嗰啲日子呀」、「你唔好自拍扮偷拍啦」、「國王的新衣」、「陰公...輸剩條底褲」、「打賭輸咗姐」、「當咗條底褲係嗰啲美少女排球運動短褲」、「着埋對白襪仔就 Perfect」、「依家年青人嘅時裝，我啲老鬼真係識條毛囉！」、「可能屙尿方便啲卦」、「超人家族，趕住去買小食」、「其實呢條係褲黎，入面著左 T back」、「點解哥哥會著住底褲周圍走嘅？哥哥係度拯救世界。」、「找數真漢子系列」。
但有網民就認爲樓主不應該偷拍，而是應該尊重他人：「欣賞佢夠疆」、「佢好有勇氣，咁多顧客同職員，都照著，行商場」、「有咩問題？熱丫嘛」、「睇對鞋似舞蹈員 wor，係咪練緊舞貪方便落一落去買野？」、「又吾係無著衫褲，都 ok丫」、「女人著得貼身褲，男人都得」、「人地可能玩二鐵。泳褲來啫。岩岩游完水跑步就去左買野食」、「事實佢又無犯法」、「著底褲出街犯法？」、「偷影人，你都幾變態」、「小心佢告你侵犯私隱權」、「不傷到人就包容下喇」、「女士啲短褲都差唔多咁短」、「咁去游水好多男仔都著得短過佢」、「男女平等=輸打贏要？」
【相關報道】
【相關報道】
Source：巴打絲打 Facebook Club