駕駛時真的要打醒十二分精神，就算做好自己本份，有時遇上「失魂」司機都有機會導致自己發生意外！有巴士司機在馬路雙行線行駛時，遇到對頭高速行駛的貨 van「踩過線」險與自己的巴士迎頭相撞，幸好巴士司機反應敏捷才避過一場交通意外，事後巴士司機將車 Cam 上傳至 Facebook 群組，留言指「你想死唔好害埋我，差啲俾你搞到我收唔到工！」
【相關報導】
從車 Cam 片段可見，該路段是雙線雙行的道路設計，巴士司機在該方向的右線安全行駛。突然，對面行車線一輛深色的輕型貨車高速朝著巴士行駛，在駛至接近巴士時，車 Cam更可清楚見到貨 van 當時已越過了自己的行車線，踩到巴士正行駛的行車線，幸好巴士司機反應迅速，馬上「扭軚」避過貨 van，才逃過一場意外發生！
不少網民事後大讚巴士司機臨危不亂、反應快，不然估計此「車禍」會導致多人傷亡。同時有網民猜測貨 van 司機當時的行為，「 9 成玩緊手機啦」、「現在很多人只顧部手機信息，大人小朋友過馬路都只會睇手機，不會睇車，揸車都玩仲癲」。更有網民稱如以當時的車速兩車相撞的話，後果非常嚴重，「差小小唔係收工，係收皮」、「抽遲半秒真係俾佢埋咗單都似...」、「如果touchwood 撞咗我諗樓主你對腳都唔洗要」、「應該話差d搞到你提早收工」所以不少網民都鼓勵司機應報警處理。
【相關報導】
【相關報導】
Source：馬路的事討論區 @ Facebook