用得 Apple iPhone、iPad（今年新款 iPad Pro 除外）系列裝置的朋友，都知道你的裝置即使可以用上多年不需修理，但用作充電及數據傳輸的 Lightning 線，總會無緣無故地離奇死亡，死因不明，不論使用 Apple 原廠或第三方品牌的出品，都可能遇上這情況。有見及此，不少 iPhone、iPad 用家都苦尋「無咁易壞」Lightning 線，甚至有網友在討論區出 post，嚴選相對耐用的 Lightning 線。
【相關報道】
【相關報道】
當樓主出 post 表示「而家個條又又又開始壞壞哋」後，隨即有網友推介相對耐用的 Lightning 線，包括 M. Craftsman、MOMAX、Native Union、Sony、Verbatim、XPower，甚至推出不久的 IKEA 布質編織 Lightning 線都有網友推介。想不到的是，有網民寧願買平價 Lightning 線，見壞便換，感覺上覺得這樣做比買其他線材更划算。「深水埗買最平 9 蚊條短線，一壞就換一壞又換，抵過你買聲稱唔會壞嘅貴價線」，當然有網友反對這樣做，原因是「大把人唔理走去買啲平線用，以為執到寶，一段時間之後叉壞機仲以為係部機問題」。
至於 Apple 原裝 Lightning 線，又多不多網民力撐選用呢？答案原來比想像中多。「我一直都係用原裝同 Verbatim」、「原裝個條用左兩年都未壞」「之後買咗第 2 條原裝，一直用到而家已經 4 年」，甚至有好幾位網民坦言：「仲用緊 iPhone 5 原裝線」，即是 Apple 首條隨產品附送的 Lightning 線。講真記者現在也開心使用這條 iPhone 5 原裝 Lightning 線，只是擔心線頭有天會破損，所以才先行綁上膠紙，以免他日壞掉不能用，落得傷心收場。
精選網民留言：
- 深水埗買最平 9 蚊條短線，一壞就換一壞又換，抵過你買聲稱唔會壞嘅貴價線，幾貴都係會壞。lightning 線真係史上最戇 X 嘅設計
- 就算買勁貴，聲稱自己點都唔爛，乜乜物料果啲都唔夠原廠咁好用
- 我仲用緊 iPhone 5 嗰條
- 我一直都係用原裝同 Verbatim，你呢啲幾蚊條冇 MFI 晶片嘅我真係睇唔上眼，錢事小，爆炸着火燒屋問題係大
- IKEA，但成日無貨
- 大把人唔理走去買啲平線用，以為執到寶，一段時間之後叉壞機仲以為係部機問題
- Native Union，買咗接近十條都無壞過。買咁多係因為買唔同顏色唔同長度，同送畀女朋友用
- 想問百幾蚊買條原廠線好 on X 咩？畀 fd 笑用百幾蚊買條原廠，放心唔落用原廠外嘅線
- XPower 幾年前買咗一條用到而家，換新機送果啲都未開過
- 應該係使用習慣問題，我而家淘一隻可以自己剪線再夾番個頭。每年剪少少，計落夠用幾廿年。
【相關報道】
【相關報道】
Source: lihkg