在職港媽通常要面對的問題：孩子應該交給奶奶抑或傭人照顧？現代女性最無敵，做了媽媽仍要外出搵食。問題來了，孩子由誰照顧？普遍熱門人選就是奶奶，或者外傭。奶奶與外傭，有何分別？
疑似在職港媽「Nazhaa」日前在香港討論區發帖，題為「如果俾你揀 會揀將仔女俾工人姐姐 定奶奶湊？」。她在帖子分析由奶奶或工人照顧孩子的 3 個分別：
1, 出糧
港媽表示：「工人要出糧，奶奶都要俾家用」。
2, 做錯事，可以鬧
港媽坦言：「工人做错事，我地可以鬧；但（奶奶）做錯野唔可以鬧，只能忍耐，因為佢係長輩；有時候仲會俾佢鬧返轉頭，條氣好唔順。」
3, 上心
港媽指出，雖然工人做錯事，僱主可以直斥其非，「但工人對湊小朋友未必會咁上心，而奶奶湊佢既孫，會上心 d」。
港媽好懊惱，奶奶與外傭，二選一，你會揀邊個呢？帖子吸引不少網民熱烈討論。有網民突破盲腸：「各有各衰， 自己湊」、「自己生, 自己湊」。港媽回應：「嗯，認同，只不過都想有個人幫下手，總要有休息既時間。」
請工人多野煩？
有網民分析由工人照顧孩子的弊病：「工人好多野煩，要顧多一個人在家的安排，自已唔食都要比佢食，又容易整爛，唔見，好快消耗物資，之生活上很多激氣野發生。。。又唔鬧得。。。」。
搵奶奶會中伏？
有網民稱搵奶奶會中伏：「99 會以為個 b 係自己既，煩又趕唔走，中伏架，小心！」。港媽回應：「我都有呢個感覺，當正係自己生咁！我都驚個 B 會當左 99 係阿媽」。
其他網民留言，節錄如下：
- 工人或奶奶做錯事都唔可以鬧的！
- 慈母多敗兒
- 工人, 唔啱可以斷絕開（關）係; 99, 唔得
【精選消息】
【精選消息】
Source：香港討論區