道路上經常會有運載建築材料的工程車行駛，不過由於它們車身較大，不少駕駛人士見到工程車都會退避三舍，以免與其發生碰撞。近日，有網民逼不得已在一輛泥頭車後方行駛，其車 Cam 則拍攝到該泥頭車，沿路已有兩次將車斗內的泥沙傾瀉在路面，令樓主兩次均需在泥沙中輾過行駛，令樓主不禁斥泥頭車「你肚屙就咪出街瀨屎啦！」
【相關報導】
由車 Cam 片段所示，當時正在等待紅綠燈，待綠燈後，疑因泥頭車起步導致車身震蕩，車斗上的泥沙馬上灑滿一地，樓主被逼從沙石上駛過後，兩車一直向前行並遇上第二個紅綠燈，樓主有了第一次的經驗，以及地面上畫有黃格，所以第二次停車時已與泥頭車相隔了一段距離，誰料，泥頭車第二次起步不久，又再次傾瀉了一堆沙石在路上，不過幸好這次有三條行車線，樓主可以選擇沙石較少的行車線駛過，不過卻依然不滿泥頭車沿路傾瀉沙石在路面上，所以樓主最後無奈地表示：「後面啲車同要街道上負責清潔嘅人好無辜㗎！」
片段一出，不少網民均表示同情樓主，但卻忍不住笑容，同時有網民則指：「真係行車要保持足夠距離」、「好在後面冇 26 師兄跟尾炸」、「泥鬼」、「落雨真係好慘嫁，係佢後面唔貼佢都中晒招，想快過佢都必須經過佢隔離左右，仲衰變咗泥鴨」、「跟泥頭車變泥鴨事小，畀佢彈石打爆玻璃就事大」。另外亦有網民分享自己「中招」的經歷，「我試過一次係英泥，條友仲開到鬼咁快，我仲揸兩轆，一見佢已經知過唔到佢收油，都連人帶車成身灰」、「上次又攪到成條紅綠燈都係泥漿」、「試過喺觀塘繞道隔一段距離都中到應一應，以後唔敢係高速跟泥鬼後面」、「我上次又係咁啲泥水飛到車頭一點點！」
【相關報導】
【相關報導】
Source：馬路的事討論區 @ Facebook