巴士站只許巴士駛入上落客，相信不少駕車者都知道，但近日一名疑似醉酒男子於將軍澳乘搭的士時，疑是要求的士司機讓其在巴士站下車被司機拒絕，之後發難報警，但報警後卻未有等警察到場便離去，同時亦未有支付約 HK$70 的的士車資。過程被的士司機攝錄下來，並上傳至 Facebook 群組，不少網民事後嘲諷醉漢「搞咁大場大龍鳳，原來只係無錢比車資！」
【相關報導】
在片段開始，醉漢表現正常地報警，指自己在將軍澳翠林邨，乘搭的士期間與司機意思不合，希望警方可以派人前來支援，之後的士司機便將車駛至一邊等待警方到場，途中與醉漢並無交流。待醉漢報警後，他不斷喃喃自語，並指「你唔夠我玩嘅」、「你未夠料造我喎」，之後更打開車門稱自己要「落車食口煙」，而此時司機拒絕讓其下車並要求他支付 HK$66 的車資，語畢醉漢馬上發難，大聲咆哮指「我無話走喎」、「我食煙唔 X 得啊」、「我報咗警架！」、「你影實啲啊！」等字句，並在字句行間加上不少粗口，之後司機稱會將自己拍攝到的片段上傳至網上，醉漢情緒更為激動，之後更越行越遠，途中司機不斷提醒對方要先付車資，惟醉漢一直堅持要待警方到場才支付。最後未有待警察到場便自行離去，而且並沒有支付車資。
片段爆出後，不少網民均斥醉漢的行為「乞兒」，並指：「借啲意唔比錢, 乞兒」、「扮到咁勁咪又係要敗走」、「佢精神狀態唔係咁穩定」、「原來搞咁多野唔俾錢咋?」、「睇得出佢好驚，所以先走」，同時有網民認為司機應將片段交給警方處理，並質疑醉漢一開始到底有否報警。
【相關報導】
【相關報導】
Source：將軍澳@FB