正所謂：「相見好，同住難」，即使是生活多年的家人也好，也不能保證 100% 融洽。最近有巴打出 post 表示有意抽居屋搬走，不想再跟關係惡劣，猶如陌生人的「廢老爸」同住在公屋及供養他，可是這個計劃卻出現兩大問題：1）如以綠表名義抽居屋的話，因為「廢老爸」是戶主，即使抽到都要繼續同住，巴打實在不想，也不覺得有義務要養活他過世；2）如跟姊姊以白表名義抽居屋，抽中再接母親同住，單憑巴打及姊姊合計的 HK$40,000 月入，未必可以通落壓力測試。在這個 post 中，巴打最後更坦言：「真係諗唔到有咩辦法了，一諗起之後嘅日子都要對住個廢老真係好絕望」。
【相關報道】
【相關報道】
巴打以上的家庭問題，可能也是不少人面對的處境，只是巴打坦誠地宣之於口而已。而對於巴打的遭遇，有網民提議「同房署申請分戶先，搵社工」、「你哋咪三個一齊搬出去住囉，全部都在職，驚餓死咩，咪由佢自己一個住公屋交租囉」，因為「你同你家姐係非核心家庭，抽中機會係 0」外，再者巴打及姊姊合共的 HK$40,000 月入，已足夠在外面租屋住。
另有網民認為樓主應該要勇敢一點，負起對抗「廢老爸」的責任，「其實你已經大個仔，唔好畀細個嘅恐懼影響自己判斷，今時唔同往日，你強硬啲，夠惡，其實可以搶返主導權。所有嘢都要取捨，有得有失」、「你阿媽家姐唔敢，你係男人就開條廢老波啦......」、「對付惡人，只有惡過佢，惡到佢怕」，更直言樓主如果「社工唔敢見，警唔敢報，婚唔敢離，連交都唔敢同廢老打」，唯一結果就是「同廢老慢慢過啦」。
精選網民留言：
- 你同你家姐係非核心家庭，抽中機會係 0
- 你哋咪三個一齊搬出去住囉，全部都在職，驚餓死咩，咪由佢自己一個住公屋交租囉
- 對付呢啲人就要同佢鬥狠，你估個廢老自己一個又頂得好耐咩
- 同房署申請分戶先，搵社工
- 咁佢本來都諗住返鄉下，點算不利，咁佢有配偶，自動會將戶主變你阿媽。如果你老竇想過河濕腳，你哋咪畀少少錢打發佢，落去房署問清楚先，問老竇退租三個可唔可以接住租，搞好哂手續就畀錢你老竇，你哋三個申請綠居就係咁簡單
- 你阿媽家姐唔敢，你係男人就開條廢老波啦......
- 其實你已經大個仔，唔好畀細個嘅恐懼影響自己判斷，今時唔同往日，你強硬啲，夠惡，其實可以搶返主導權。所有嘢都要取捨，有得有失，勇敢啲。
- 對付惡人，只有惡過佢，惡到佢怕
- 樓主社工唔敢見，警唔敢報，婚唔敢離，連交都唔敢同廢老打，唯有同廢老慢慢過啦
【相關報道】
【相關報道】
Source: lihkg