吉野家的「獅子狗廣告」疑似辱警事件，有媒體報道擁有香港吉野家經營權的 CEO 洪明基直指事件令人憤怒，更明言已與涉事的外判廣告公司解約，而負責廣告事務的公司員工亦已被炒。此消息一出，即引來網民鬧爆。而在今日（12 日）下午，香港吉野家 Facebook 專頁發帖，指多謝大家關心「小編由始至終都係齊齊整整」、「媽劇停（marketing）小編所有人都仲番緊工」，試圖為事件降溫。
【相關新聞】
【相關新聞】
香港吉野家 Facebook 專頁發帖，表示「多謝大家關心，前日出咗個 post 引起咗好多迴響，如果令到有人唔開心，係到同大家講聲唔好意思。所有小編由始至終都係齊齊整整。」又表示「會繼續專心做好牛肉飯同吉邊比大家！」。並 hashtag「#媽劇停小編所有人都仲番緊工」，意指 marketing 無畀人炒。
之不過，一眾網民對這個降溫 post 並不受落，短短 2 小時已獲得 7 千多個「嬲嬲」，更有網民明言繼續擺食；亦有網民留言「出返獅子狗 post 至好講」、「攞返個 post 出嚟先講」、「此地無銀吉野家」、「紅色背景不了」。此外，也有網民指吉野家自製關公災難，誠信一鋪清袋。
【相關新聞】
【相關新聞】