今日（7 月 23 日）本地傳媒報道，新民黨主動約見財政司司長陳茂波，望為明年發表的《財政預算案》提出建議，席間主席葉劉淑儀表示，建議政府為 18 歲或以上永久居民一筆過派發 HK$8,000 現金津貼、向初生嬰兒家庭派發一筆過 HK$20,000 資助、豁免商業車輛 1 年驗車費，以及部分中小企 1 年牌照費等。葉劉「派 8 千蚊」論一出，旋即成為網民熱話，不過有網民坦言對「派 8 千蚊」期望不高，因為「4 千蚊都未派到派 8 千」。
【相關報道】
【相關報道】
有網民推斷以政府現時的工作效率來算，如成功「派 8 千蚊」的話，可能都是 N 年後的事情，因此對「派 8 千蚊」不抱任何期望。「4 千蚊都未派到派 8 千」、「4,000 蚊都要填表又呢又路，8,000 蚊係咪要家訪」、「2047 都唔知收唔收到」，甚至有網民坦言，以現時政府的民望，「派 8 千蚊」並不能改善跟市民的對立關係，相反更表示「袋咗八千照示威，仲有錢買物資」、「係派就快，不過照樣出嚟」，並順道揶揄「葉太派錢俾暴徒反 777」、「多謝提供抗爭資金」。
此外，有網友認為「派 8 千蚊」只是小恩小惠，根本不吸引，更指「澳門派成 1 萬添啦！當香港人乞兒呀？」、「派屋好過啦」外，也不忘強調「派 8 億我都唔 X 要呀，你派我拎晒去買物資」、「80,000 都冇用，你個垃圾政府同我倒台」，以及「到呢步仲以為用錢收買得到，政府到底有幾腐敗」。
精選網民留言：
- 4 千蚊都未派到派 8 千
- 袋咗八千照示威，仲有錢買物資
- 係唔係又要寄信申請
- 葉太派錢俾暴徒反 777
- 係派就快，不過照樣出嚟
- 澳門派成 1 萬添啦！當香港人乞兒呀？
- 派樓啦不如
- 葉瘤真毒，提呢個萬能藥出嚟。政府一係硬食，但彩就畀佢拎晒，如果拒絕，又要揾更加好嘅方法，難度好高
- 4,000 蚊都要填表又呢又路，8,000 蚊係咪要家訪
- 到呢步仲以為用錢收買得到，政府到底有幾腐敗
【相關報道】
【相關報道】
Source: lihkg