近年，巴士公司可謂越來越貼心，不少新巴士都提供 Wi-Fi、USB 充電位等供乘客使用。不過，近日有網民則在 Facebook 群組內 post 出 1 張相，可見前座乘客使用了後面（即樓主所坐的位）的 USB 充電位，樓主見狀後更在帖文下方詢問：「究竟咁樣叉電可唔可以掹走佢？」
【相關報導】
原來這些 USB 充電位只在特定的巴士車型上層某些位置才會配備，所以這些充電位可謂「可遇不可求」，而不少網民亦建議樓主不必太斤斤計較，指：「助人為本」、「唔緊要啦，人哋可能真係冇電」、「你用既咪叫佢唔好插囉 你唔用既佢用 其實唔係問題」，不過樓主卻質疑若然對方明知自己要使用充電位，為何上車時不選擇坐在最後排，而要將充電線插在後方，拉前使用。
同時有網民則嘲諷樓主有點「小學雞」，指：「對面吸緊我呢邊啲空氣，我可唔可以告佢偷野？」、「先到先得，又冇寫明這座位專用！」、「現代人完全不懂，人人為我，我為人人的道理」、「無所謂啦，邊個需要咪邊個用囉！」而最後樓主亦表示原來自己亦有意使用該充電位，不過已選擇「過去另外一個叉電窿嗰度叉電。」
【相關報導】
【相關報導】
Source：巴士的事討論區@Facebook