各位沙田第一城居民留意！由第一城住客建立的沙田第一城生活圈 Cityone Life Facebook 專頁，最新帖文提及新一期《第一城工作報告》部分內容，第一城疑取消座頭保安，試行人工智能面部識別系統，並將於 34 座至 36 座試行。屆時 34 至 36 座不設大堂保安員，控制室會有 1 至 2 名保安遙控開門，如訪客到來，就需要住戶預先申請 QR Code 出入。此外報告也提，第一城施行人面識別系統的話，住客需要拍照作為數據，而出入有問題可按對講機要求保安員協助。當全部 52 座轉用新系統後，可節省 26 名保安，工程造價約需 HK$80 萬。
【8 月 14 日 19:15 更新】第一城管業處傍晚向所有業戶發出通告，澄清未有任何計劃採用新保安系統。同時指出，如日後有新的解決方法，亦會先收集委員會及各業戶的意見，才會進一步考慮。
【相關報道】
【相關報道】
沙田第一城《第一城工作報告》提及之人面識別系統重點：
- 34 至 36 座不設座頭保安，控制室會有 1 至 2 名保安遙控開門
- 全部 52 座轉用新系統可節省 26 名保安
- 住客需要拍照作為數據
- 訪客要由住戶預先申請 QR Code 入門用
- 如果有問題可按對講機要求協助，不過就可能要等
- 試用工桯造價約 80 萬
此 post 一出後，不少第一城居民紛紛留言表示反對，除了憂慮個人私隱資料安全外，也擔心如沒有座頭保安的話，當有意外發生時會阻礙應對。「保安唔係淨係坐門口，如果座大廈有咩事，控制室的保安邊度嚟得切，而且如果又要夾工程費，但節省咗啲保安 $，係咪會減管理費呀！再者他們無權儲存我哋資料做 data base！！」、「反對！緊急事故即時做唔到，出入唔方便，有無考慮長者及小朋友出入問題？訪客要申請 QR Code？要等幾多分鐘才有保安到？如何取泊車紙？完全不贊成！」、「反對，憂慮個人私隱資料安全問題並質疑在會議記錄中所提及處理保安問題的可行性。如更換管理公司，如何確保住戶人面識別資料的保障。」
此外，有居民留言表示已就事件詢問當區區議員 — 新民黨黃嘉榮，確認「第一城委員會同管業處傾緊，已傾過 1 次」外，也提及該建議是由保安公司提出，但未正式落實，下一步會諮詢居民意見。相信如果人面識別系統真的實行的話，似乎居民會覺得弊多於利，尤其第一城鎖車隊以「快過 F1」而知名，「而家訪客可以問保安拎訪客證，如果行人面辨識，去登記時鎖咗車邊個埋單？畀人鎖得一次，傳開去，仲有邊有人肯送貨上門」。
精選網民留言：
- 第一城鎖車快過 F1，而家訪客可以問保安拎訪客證，如果行人面辨識，去登記時鎖咗車邊個埋單？畀人鎖得一次，傳開去，仲有邊有人肯送貨上門。
- 由鎖車已知佢哋為咗想賺到盡真係好恐怖。
- 保安可以有阻嚇作用！而且保安會認得啲居民。
- 保安唔係淨係坐門口，如果座大廈有咩事，控制室的保安邊度嚟得切，而且如果又要夾工程費，但節省咗啲保安 $，係咪會減管理費呀！再者他們無權儲存我哋資料做 data base！！
- 反對！緊急事故即時做唔到，出入唔方便，有無考慮長者及小朋友出入問題？訪客要申請 QR Code？要等幾多分鐘才有保安到？如何取泊車紙？完全不贊成！
- 反對，憂慮個人私隱資料安全問題並質疑在會議記錄中所提及處理保安問題的可行性。如更換管理公司，如何確保住戶人面識別資料的保障。
- QR Code 傳咗出去，即係歡迎各位任入
- 邊個 authorized 佢哋咁做？點解要畀佢影相做 database？我點 ensure 有關部門有冇足夠智慧同知識去保護呢啲咁 confidential 同敏感嘅資料呀
- 個人資料會擺喺邊？邊啲人可以查閱到？有咩保安程序？第一城啲人成日都搬出搬入，邊個決定咩人要影相咩人唔駛影？成個屋苑 52 座先慳到 26 個保安（一座得半個），但係要犧牲咁多嘢值唔值呀？
- ﹝Factcheck﹞剛問了自動當選的新民黨區議員黃嘉榮，confirm 了第一城委員會同管業處傾緊，已傾過 1 次。佢話建議是由保安公司提出，但未正式落實，下一步會諮詢居民意見。各位城友有無咩可以一起做？
【相關報道】
【相關報道】
Source: 沙田第一城生活圈 Cityone Life Facebook