新冠肺炎影響全港商場人流大減，但腦場卻成為逆市奇葩，人流、生意不跌反升。ezone.hk 帶大家直擊疫情下的腦場，到底哪些產品特別熱賣？腦場又有甚麼抗疫措施？
- 任天堂 Switch 遊戲機勁炒上 $4,000
- Gaming PC 砌機需求大增
- 筆電、顯示器、Web cam 銷量急升
【精選消息】
Switch 遊戲機熱炒
受到新冠肺炎影響，訪港外地旅客跌到接近零，香港市民亦儘量留在家中，全港零售業叫苦連天。不過，近月腦場卻成為異數，人流比疫情前更加暢旺，皆因人人留家，反而刺激對電子產品的需求！
要數到近期熱賣之最，當然是任天堂 Switch 遊戲機，誠如店長所言：「好多人 Work From Home 到悶，自然想打下機，之前《健身環大冒險》已經爆紅，再加埋近排《動物森友會》遊戲大熱，進一步刺激 Switch 銷情。」Switch 不但吸引大批人流到腦場買機，甚至掀起炒風，主機行貨炒上 $4,000 水平（建議零售價不到 $2,400）。
Gaming PC‧筆電大賣
Switch 遊戲機掀起搶購潮，一眾 PC 遊戲玩家亦不手軟，腦店稱近月砌機數字有增無減，當中超過一半客人皆明言砌機是為了打機，至於電競筆電之銷情亦明顯上升。Home Office 一族則傾向選購 $5,000 以下之筆電，即是平價 Core i3 與 Core i5 級數的 Desktop Replacement 機種。
視像會議需求龐大，以前少人問津的 Web cam 突然變成熱賣產品，不少客人亦為家居添置一部打印機。顯示器是另一熱賣產品，但近月補貨明顯不足，可供選擇之型號不多，每個牌子只剩下寥寥數款型號供選擇。
腦場人流大增，管理處又有甚麼抗疫措施？黃金、高登兩大腦場皆於部分出入口加設搓手液，亦表示會加強清潔工作。另外，高登正門入場需要量度體溫方可進入，黃金則稱會勸喻無戴口罩人士戴回口罩，否則將請離商場，人流太多時更會實施人流管制措施。
【相關報道】
【相關報道】
Source：ezone.hk