BNO 平權問題一直備受關注，早前英國政府終於宣佈，將向香港的英國國民（海外）護照（BNO）持有人及其家屬提供入籍路徑，允許 BNO 持有人逗留英國期限由半年增至 5 年，逗留滿 5 年後可申請成為永久居民，再多等 1 年就可獲英籍。有網民在討論區表示「有 BNO 但窮根本唔會移民」，引起網民熱議。
- 網民發起討論，指「有 BNO 但窮根本唔會移民」
- 有網民指出英國生活水平跟香港不同，加上現時受疫情影響較難找工作，沒有儲蓄或會難捱
- 不少網民反而認爲「窮先有本錢移民」，因爲「冇包袱」
【相關報道】
有網民出帖，表示「冇一球根本唔應該諗移民。經濟咁差，一去到就即刻搵到工咩，可能要頂一兩年失業。或者再進修下先適應到個邊生活，除非走難，得一兩萬先迫住走。」畢竟英國的生活水平跟香港不同，加上現時受疫情影響較難找工作，如果沒有一定儲蓄生活也許會有困難。有網民感嘆：「過到去住又係錢，食又係...又唔係即刻有野做...分分鐘過去做乞衣。」
但不少網民都較正面，指出有決心就應該由現在開始儲錢。或是去到跟別人一起租屋，減輕負擔。然而不少網民就點出：「你本身係香港係地底泥仲咩唔博下過去有機會發圍，橫掂冇嘢輸」、「窮先有本錢移民，你都無嘢輸」、「就係因為窮，冇包袱先易走」有網民更笑說：「阿爺嗰代，身無分文，字都唔識多隻都走黎香港啦」其實相比起有多少儲蓄，有足夠決心調節好心態才是更重要吧。
【相關報道】
【相關報道】
Source：lihkg