作為打工仔，想必一定被「腦細」用到盡，仲要日日 OT，搞到叫苦連天，有返工無放工。咁究竟香港有冇好 hea 的筍工呢？有網民就在討論區分享自己所遇過的筍工，原來係可以咁 hea 咁爽。
- 網民分享最 hea 筍工
- 4 日夾埋只需做 2 粒鐘
- 其餘時間回家做自己嘢
【相關新聞】
討論區中樓主率先「拋磚引玉」，指自己曾打過一份 hea 工，樓主與上司返一至五，每日夾定朝早打完卡就可以 hea 回家，再準時 5 點回公司打卡，更重要是工作量少之又少，一至四夾埋只是需要做 2 個鐘，完全 hea 到無人理。最後，樓主「頂唔順」太 hea 的生活決定轉工，而家的工作更要不時 OT，笑指自己真是太犯賤，而家十分後悔。
另外，有網民亦分享自己的「hea 工」，指自己返過一份短期模型展示 show 的工作，成份工得自己一個人，回去只需要開燈關燈，有人問有冇得賣模型就答「呢到唔買嘢」，食飯吹水就掛「外出中」牌，整日在店就是玩手機、睇片，準時收工走人。
此外，因為疫情關係，而家大部分人都 WFH 在家工作，有網民就指自己已連續一個月 WFH，但期間只有 2 至 3 日有人搵過自己，而給自己的工作只需半小時就完成，整段時間在家做乜都得。看到這麼多 hea 工，不知你又有否遇到呢？
【相關新聞】
【相關新聞】
Source：LIHKG