本港近日的第三波疫情已相對平穩，不少酒店均推出大量超扺 Staycation 「吸客」。不過近日在Facebook 群組上，卻有港媽以「我比左千八蚊入住海洋公園萬豪酒店住兩日一夜，諗住慶祝小朋友一歲生日，點知係惡夢嘅開始...」為題，大呻自己於酒店內的入住經驗差。而且更在文末呼籲其他家長「有小朋友，千祈唔好去海洋公園萬豪酒店！」。可惜不少網民認為樓主對酒店的「控訴」無理，嘲笑樓主「要求多多」！
- 本港近日的第三波疫情已相對平穩
- 不少酒店推出超扺 Staycation 「吸客」
- 有港媽網上大呻入住海洋公園萬豪酒店經驗差，但遭網民反嘲要求高
樓主表示自己預訂了星期五入住海洋公園萬豪酒店，而酒店表示 3 時方可開始 check-in，因此樓主於兩點多到達時未能辦理入住手續，所以便到餐廳先行用膳。結果到三時多用膳後，已經見到現起有 40-50 人在前台辦理入住手續，樓主表示自己「排左半個鐘，條龍郁都冇郁過」，認為在酒店需要花 1 小時去辦理 Check-in 手續實在不合理。於是樓主便詢問職員未辦理 Check-in 手續，能否讓小朋友先到泳池遊泳，幸好職員也同意，不過由於未有成功「取房」，所以樓主需要帶同所有行李到更衣室，而且過程「超級論盡」！
樓主表示更衣室內可以借用三格更衣室，但當中有兩格的門鎖均是壞的，所以樓主便帶同一架嬰兒車，另加兩位小童在一個又黑又狹小的空間換泳衣，而幾經辛苦換好泳衣後，結果到泳池又是另一條長長的人龍，又要排隊半小時方能入場，樓主直言當時「真係想講粗口」。幸好幾經波折入到泳池後，小朋友也玩得開心，不過樓主則指「泳池設施十樣嘢有五樣嘢係壞咗嘅」。
之後樓主續指第二天帶同小朋友到 playroom 玩耍，職員不斷要求樓主為其一歲孩子佩戴口罩，樓主表示自己已有為其佩戴口罩，無奈一歲小孩會自己「掹走個口罩」，職員眼見樓主不合作，態度已經相當差勁，途中不斷「騷擾」樓主，導致樓主坦言「短短玩嗰大半個鐘頭都好掃興」。
事後樓主大呻酒店既然都能重開泳池，所有住客都可在泳池範圍內可以不戴口罩自由活動，而在一門之隔的 playroom 卻嚴格要求一位一歲的小孩必須佩戴口罩，認為要求不合理，表示「連香港政府都豁免兩歲以下嬰幼兒於公眾地方佩戴口罩，但係你話playroom係私人地方所有人都一定要戴口罩。如果酒店真係咁為公眾人士着想的話，你又開返個泳池？」，最後重申自己為孩子準備的一歲生日之旅體驗非常差勁，所以呼籲網民「有小朋友，千祈唔好去海洋公園萬豪酒店！」，更指「你下次你請埋我去，我都唔會再尼（嚟）」。
而對於樓主對酒店的「指控」，不少網民均大表不同意，嘲笑「大佬你會貪佢1800元好平又食又住，其他人一樣會，咪超多人囉。」、「只可以講你自己屎忽痕！！又要咁多要求！返屋企瞓啦」、「假期人多是必然，以前未有疫情都試過去黃金海岸，DB 酒店兩間排一個多小時..而且帶一歲多BB就真係」，同時更有不少網民表示既然樓主已經兩點多到底酒店，應該那時便開始排隊辦理check-in，而非先到餐廳用膳，斥「比左千八蚊就當自己係貴賓咩」。
【相關報道】汪阿姐表揚楊千嬅送美心月餅 網民嘲笑「太 cheap」【下一頁】
【相關報道】GYM 友健身無載口罩高談女生 cup 數 女網友長文斥無品性騷擾【下一頁】
Source：Facebook @ 家長 Secrets