不少人成功買樓「上車」後，可能已用了大部分積蓄，不會有太多錢用作裝修。近日，有網民在 Facebook 一個裝修群組內以「肉隨針（砧）板上之信我啦！」為題，表示自己因裝修預算有限，卻被裝修師傅大力推薦於廚房使用雲石面，即使樓主以「太貴」為由拒絕，但師傅不斷以「信我啦」為由「強迫」樓主聽從建議。
- 不少人買樓後都會減少在裝修上的預算
- 有裝修師傅多次以「信我啦」強行要求樓主聽從其裝修建議
- 樓主感歎「第一次覺得有錢好過識人」
樓主分享其新居中的廚房設計，原本因預算有限而沒有打算選用雲石作廚房枱面，但熱心的裝修師傅卻大力推薦「識用一定用雲石！又硬又唔食色！」但樓主表示太貴，裝修師傅卻仍以「信我啦」表示可以做得到。到選擇雲石顏色時，樓主表示自己一定要選擇白色，師傅再次以「信我啦」指：「白色一定會食色....冇人用白色雲石做廚房枱面。」但由於樓主非常堅持，因此師傅則「搬出」雲石師傅的說話，指其設計如用人造石的話會「好用好多」。關心價錢的樓主詢問「價錢點計先」，當時師傅則以「唔洗補錢」回應。
後來，樓主欲改以石英石取代人造石，但師傅卻指「我呢隻石英得 2 分厚，雲石同人造石就 6 分」，希望樓主繼續選擇人造石，但樓主聞言後又表示還是想改用雲石。此時師傅則指「我揀嗰隻顏色嘅雲石只有 1.5cm 厚，人造石有 2 cm」，而樓主當時隨即啞口無言，坦言：「盲拳比老師傅打死....完全唔知點回佢」，感覺一切其實都是「掌握」在師傅手中，根本不容自己作選擇。
另外，師傅更以「信我啦」表示「洗手盆同洗衣機同一高度嘅話會好辛苦」並提醒樓主「洗手盆唔好買太大」。樓主聽從師傅告知的尺寸購買洗手盤回來後，卻被告知「鋅盤只可打直放，其實都好好用，你個位改唔到只可以打直」，但樓主卻質疑師傅的設計會一直撞到手，誰知師傅又突然表示「我依家幫你移過少少」，樓主隨即表示「鋅盤突然可以打橫放」，認為師傅一切「信我啦」其實都是非常不可信。
樓主同時附上部分裝修圖，引來不少網民留言。有網民則嘲笑：「笑死我啦！我日後聽到人地講「信我啦」都係諗起樓主呢個po，引以為戒」、「信我啦，代溝呀。你應該同佢差幾十年」、「笑中有淚」。同時有網民質疑，「你係用家定係師傅先係用家？」、「係人都知石英石係最長壽命架啦。雲石耐左會食色同黃」、「趁未起貨 懸崖勒馬」。
【相關報道】【裝修奇事】新裝修座廁「升高」一級嚇親屋主 網民錯重點：手工幾好【下一頁】
【相關報道】家人強推用朋友公司裝修 港女睇成品「一額汗」問如何拒絕【下一頁】
Source：Facebook @ 家居裝修分享谷