目睹孩子班主任上學前公園吸煙家長問網民：講唔講俾學校聽好？

| 徐慧兒 | 22-10-2020 18:52 |

不少家長為「老師」這個職業，冠上不少莫名的限制。近日，有家長在 Facebook 群組上指目睹孩子的班主任，在上學前於公園內吸煙，詢問一眾網民應否告知學校。帖文引來極大迴響，有網民認為這名家長有點誇大吸煙的行為，認為老師在課餘時間所做的事，與家長無關。

不少家長則為「老師」這個職業冠上不少莫名的限制
有家長表示目睹老師在上學前於公園內吸煙，糾結應否告知學校
有網民認為家長誇大老師吸煙的行為

樓主在 facebook 群組內投稿，指目睹孩子的班主任上課前於公園內吸煙，詢問一眾網民應否「講俾學校聽？」但之後又直言擔心被人「話多事」，因為課外時間「好似又管唔到佢」，所以自己僅提醒自己孩子「唔好掂到佢（涉事班主任）」。

帖文一出，隨即引來大量網民留言，大多網民則認為樓主的確「太多事」，「咁老師夜晚同老婆行房又點呢！要唔要話俾學校知用邊招呢！」、「其實老師都係人，佢唔係細路面前食我覺得已 ok，你如果有親戚朋友食煙既會唔會唔比佢掂到你仔女？不要太苛嚴」、「唔知講咩好，老師真難做」、「講到人地犯法咁」、「樓下看更食煙，我應唔應該同管理公司講？」、「私人時間食煙乃私人事，唔使吓吓搵學校既。」、「老師其實都係人。。唔係聖人。。呢位媽咪分清楚未」、「佢食煙對教學有咩影響？咁都要同學校講，好得閒？」。