第 4 波疫情殺到，單日確診人數更升至過百，限聚令更收緊至 2 人，而政府亦力勸私人企業實施 work from home 在家工作，並在周三（2 日）帶頭實施 WFH。之不過，並非所有公司機構實施 WFH，有網民就在討論區中以「公務員 WFH 公司都冇宣布 WFH 嘅人入嚟」為題，求「圍爐」呻一下打工仔之苦，引來不少網民爭相留言吐苦水，當中更有網民大談公司設 AB Team 嘅荒謬之處。
- 第 4 波疫情下，政府勸私人企業實施 WFH
- 有網民在討論區大嘆自己公司無得 WFH
- 引來大量打工仔「圍爐」吐苦水
有網民就直言公司老闆活在平行時空，只知要員工返工；有網民指老闆自己就 WFH，但員工就要返齊返足，指「有人中咗先再算，好無良。」亦有網民留言謂「老細係寧願我哋係公司吹水 hea，都唔畀 WFH。」、「公司冇人確診，大家正常返工」；更有網民咒罵道「鬼唔望老闆中招」。有網民分析公司老闆就是怕蝕底，以為員工 WFH 一定是偷懶，但網民就指 WFH 其實一樣忙到死，係公務員 WFH 先至唔使做當放假。
此外，有網民大嘆由第一波疫情開始，已經無得 WFH，更指由年初都而家從未有在家工作；也有網民表示 WFH 就無，只有彈性放飯時間。更有網民謂公司實行 AB Team 政策，只不過是 B Team 調另一層樓工作，而另一層樓的 A Team 員工調落嚟，一樣咁多人，中招一鑊熟，更直言是公司老屎忽先諗得出來。
不過，也有網民指其他公司 WFH 後，返公司無塞車，車程快咗、爽咗。也有網民謂畀腦細知道可以 WFH，肯定要你 7 x 24 係屋企日日做，直言返公司仲好。未知作為打工仔嘅你，又有冇得 WFH 呢？
【本港疫情】梁祖堯＋韋羅莎呻劇場界苦撐多月自行承擔損失 阿祖：香港需要宵禁【下一頁】
【其他新聞】【有片睇】大叔疑於港鐵車廂內吸毒？ 網民嘩然：明目張膽【下一頁】
Source：LIHKG