修改 DNS 突破封網教學！Windows、iPhone、Android 改用 1.1.1.1 零成本解鎖被封網站

互聯網世界，即使心儀網站被封，仍有零成本方法可以突破封鎖，修改 DNS 設定係其中一個最簡單做法。一般用戶上網時，均係使用網絡商提供嘅 DNS 伺服器，因此只要改用第三方 DNS 例如 Google 嘅 8.8.8.8 或 Cloudflare 嘅 1.1.1.1，即可解決 DNS 域名污染問題。以下教大家點樣喺 Windows 電腦、iPhone 及 Android 手機修改 DNS 設定。

乜嘢係 DNS 域名污染？

DNS（Domain Name System）係將域名（例如 www.example.com）轉換為 IP 位址（例如 192.0.2.1）嘅系統。當用戶輸入網址時，DNS 伺服器會將域名轉換為對應嘅 IP 位址，然後先可以連線到相關網站。

DNS 域名污染係封網最簡單嘅方法之一，原理係當用戶連線指定域名時，系統會指派到錯誤嘅 IP 位址，從而無法連結到相關網站。一般用戶上網時，均係使用由網絡商提供嘅 DNS 伺服器，因此只要改用其他第三方 DNS 即可解決。

常用第三方 DNS 伺服器

Windows 電腦修改 DNS 設定

用戶可從瀏覽器獨立更改 DNS 設定，或由整個作業系統層面修改，一般建議使用後者較為方便，對所有程式的連線均能產生作用。

Step 1：開啟網路設定

用戶應從 Windows 嘅「設定」→「網路和網際網路」→「進階網路設定」內，點擊「變更介面卡選項」。

Step 2：設定網絡卡

然後，從「網路連線」選取正使用嘅網絡介面卡，再右擊滑鼠並選擇「內容」，將可看見圖中畫面，選取「TCP/IPv4」一項並點擊「內容」。

Step 3：輸入 DNS 資料

喺圖中點選「使用下列的 DNS 伺服器位址」，便可手動輸入 DNS 伺服器，使用 Google 或 Cloudflare 均可。

建議設定：

• 慣用 DNS 伺服器：1.1.1.1
• 其他 DNS 伺服器：1.0.0.1

流動裝置修改 DNS 設定

若用戶想在 Android 手機或 iPhone 修改 DNS 設定，則可藉 Cloudflare 提供嘅《Cloudflare WARP》服務達成。它係以模擬 VPN 方式執行，但只會套用 DNS 設定，而非真正 VPN 服務，廠方指程式會自動加密連線，比直接上網更安全，一般用戶可完全免費使用。

Cloudflare WARP 設定步驟

1. 下載並安裝《1.1.1.1: Faster & Safer Internet》App
2. 開啟 App，初次使用時程式會提示將會建立 VPN 設定檔
3. 按指示完成設定，即可啟用 1.1.1.1 DNS 服務
4. App 內建升級版 WARP+ 服務，連線速度將會更高，可藉推薦朋友獲取流量

App 資料

• 軟件名稱：《1.1.1.1 + WARP: Safer Internet》
• Android 下載：按此下載
• iOS 下載：按此下載

修改 DNS 後要注意甚麼？

ezone.hk 小貼士

除咗修改 DNS 設定，以下幾個方法都可以進一步保障上網私隱及安全：

• 使用 HTTPS 網站：盡量使用 HTTPS 加密連線嘅網站，避免使用 HTTP
• 開啟瀏覽器安全功能：例如 Chrome 嘅「安全瀏覽」、Firefox 嘅「加強追蹤保護」
• 定期更新系統及 App：確保作業系統及瀏覽器係最新版本，修補安全漏洞
• 使用密碼管理器：避免使用簡單密碼，並為不同網站使用不同密碼
• 開啟雙重驗證：為重要帳戶（如 Google、Apple、社交媒體）開啟雙重驗證

修改 DNS 能否完全突破封網？

修改 DNS 設定主要係解決 DNS 域名污染問題，對於簡單嘅封網手段有效。但如網絡商採用更深層嘅封鎖技術（例如 IP 封鎖、深度包檢測等），修改 DNS 未必能完全突破封鎖。喺呢種情況下，可能需要考慮其他方法，例如使用 VPN 服務。

不過要留意，使用 VPN 服務時應選擇可信賴嘅供應商，並留意相關法律及服務條款。部分免費 VPN 可能存在私隱風險，使用前應仔細了解。

Source：ezone.hk