大部分華人社會，孩子一般都會跟父親姓，不過近日有一名三孩媽媽在 Facebook 群組上大呻，自己在懷有第三胎時，奶奶提出讓腹中胎兒跟自己姓，更會因此贈送一層樓給孫兒。樓主當時反應是第一時間拒絕，卻被奶奶反斥自私。樓主至今仍不時會自責地反問「自己係咪好自私」。
- 奶奶要求媳婦的第三胎跟自己姓
- 表示會贈予一層樓給孫兒
- 樓主拒絕，反被斥自私
樓主在帖文中表示，奶奶在自己懷有第三胎時要求，如果孫兒跟奶奶姓的話，她會在鄉下分一層樓給孫兒。不過樓主表示奶奶的鄉下屬落後城市，而且認為大仔和二女均是同一個姓，如果孻仔跟奶奶姓的話，做法有欠公平，有「分化」之嫌，所以當時第一時間拒絕。同時更直言「個 bb 係我好辛苦生佢出嚟，點解要攪到好似唔係我生咁」。奶奶聞言後，馬上斥樓主自私、沒有為孩子著想等。雖然至今孩子已經出生並長大，但樓主仍不時會想起奶奶當日訓斥自己自私，「我到宜家都仲係好介意自己係咪好自私」。
帖文引來不少網民留言，不少網民均支持樓主做法，「要跟佢姓叫佢自己生返個啦」、「痴媽根，叫佢自己出去搵人生翻個啦」、「自己生既小朋友當然係跟爸爸姓架啦」、「佢自己一開始又唔生一個細既跟佢姓」。不過眼見不少網民批評其奶奶，樓主才回應指，自己丈夫並非奶奶所出，只是養子，所以奶奶並無生過小朋友。但此回應仍無阻網民斥其行為，「咁佢收養多一個係鄉下咪得」、「收養個同姓嘅，咪百利無害囉」。
【相關報道】維繫婚姻要「洗埋舅仔內褲」？ 人夫心淡：這段婚姻我不想努力了【下一頁】
【相關報道】【倫常慘案】外祖父母受托照顧2歲孫兒 飲醉酒嫌哭鬧聲太嘈誤殺再燒屍【下一頁】
想睇盡全城最 Hit 科技生活影片，請即【按此】瀏覽同埋 subscribe ezone.hk 嘅 YouTube channel
Source：Facebook @ 同住奶奶好惡頂自由討論區