近年不少人都喜歡網購，貨品種類形形色色，甚至是新鮮食品。日前一名網民便在 Facebook「淘寶開心 share」群組分享購買一整箱雞蛋的情況，最後不但因農曆新年假期延誤十多日，而且更有可能觸犯法例。
- 一名網民分享購買一整箱雞蛋的情況，因農曆新年假期延誤十多日
- 他稱：「今日收貨諗住唔係爛晒就壞晒，點知打開後真係好驚喜，全部完整無缺，即時煎兩隻嚟食，好有蛋味！」
- 無論在香港或澳門，擅自進口蛋類均屬違法
【相關報道】
該名網民今日（23 日）在帖文表示，指自己之前已試過淘生果，今次則改試淘雞蛋。他在淘寶網購一箱 40 隻雞蛋，惟遇上農曆新年假期，導致貨運出現延誤，雞蛋滯留在珠海十多日，終於在今日收到貨。他稱：「今日收貨諗住唔係爛晒就壞晒，點知打開後真係好驚喜，全部完整無缺，即時煎兩隻嚟食，好有蛋味！」
從相片可見，紙箱中有多個發泡膠蛋格，以防雞蛋撞破。 有網民從其中一張相片看到，蛋黃已經「散晒」，有可能存放不佳已經變壞。另外不少網民質疑，雞蛋本身已十分便，根本不須淘寶，而且廢時失事，留言包括：「仲以為放咗咁耐，孵咗雞仔出嚟」、「樓下街市超市無得買？蛋都要淘寶 」、「街市冇蛋賣咩？吓吓都淘寶，淘到本地舖頭生存唔到」、「淘一箱又驚爛又驚壞，又要兌人仔，又要運費，香港買好過」等。
據悉分享帖文的樓主居於澳門，無論在香港或澳門，擅自進口蛋類均屬違法。澳門方面，入口雞蛋須接受檢驗檢疫，包括出示衛生證明文件，證明來源及可供人食用，從生產、清潔、包裝、運輸都需要符合相關衛生要求，以及通過市政署檢疫人員的檢查。至於香港，根據《進口野味、肉類、家禽及蛋類規例》（132AK 章），任何人輸入野味、肉類、家禽或蛋類，必須提供來源地有關當局簽發的衞生證明書或食環署的事先書面准許。違例者一經定罪，可被罰款 5 萬元及監禁 6 個月。
【相關報道】
想睇盡全城最 Hit 科技生活影片，請即【按此】瀏覽同埋 subscribe ezone.hk 嘅 YouTube channel。
Source：巴打絲打「00九吹專區」Facebook Club