不少男士都愛車如命，更會將愛車稱之為「第二個老婆」。近日一名自稱「好鍚車揸嘅」港男在網上討論區大呻，自己被親戚要求借出愛車給剛考到車牌的「P 牌」親戚，樓主為免得失親戚，無奈地陪同「P 牌仔」練車。誰知，對方上車後便踩盡油門剷上行人路；倒車時，再度踩油門使車身與其他車輛「互刮」，使樓主的愛車滿佈花痕。當樓主與親戚對質時，對方打算只賠償 $2000 了事，樓主一怒之下表示「唔會同呢家人有乜聯絡」。
- 愛車樓主被要求借車給「P 牌」親戚練車
- 對方駕駛技術差，使樓主的愛車滿佈刮痕，對方只想賠償 $2000
- 樓主怒指「唔會同呢家人有乜聯絡」
樓主在網上討論區上以「借部車畀親戚個新牌仔揸，刮花咗我部車，仲要笑我部車係老爺車唔想賠」為題，怒氣衝天地表示自己本身是一個「好鍚車揸嘅」車主，平時揸車時也會非常小心，唔希望車上會有任何「傷痕」。近日其親戚的兒子成功考到車牌，成為「P 牌仔」，被對方要求借車並陪同「P 牌仔」練車。樓主為免得失對方，便勉為其難答應。
當日他與「P 牌仔」在其住所附近練車，誰知對方坐上駕駛座後，便踩盡油門剷上行人路，樓主當時表示已經「感覺到個車頭一係花咗一係爆咗」並已經「燥燥地」，責備對方「個牌係唔係淘寶淘返嚟」。對方聞言後，不知是有心還是無意，在倒車時，再次一腳踩到油門，車身與旁邊的車輛一邊「磨過去」。樓主見狀後馬上叫停，對方卻「好似發脾氣咁比油」。
待停車後，樓主馬上下車檢查愛車狀況，看到「成個車頭花晒，車身又花埋，最慘係人哋部車個車頭花晒」。樓主生氣地指責「P 牌仔」，但對方卻毫無悔意，於是樓主便致電「P 牌仔」母親，要求對方現場對質。
其母親到場後，表示「一場親戚，唔洗搞咁大」，僅打算用 $2000 打發樓主。此時，「P 牌仔」更火上加油地指「部車係老爺車，邊值二千蚊」，要求其母賠償數百元便可，不要被樓主「呃」。聞言後，樓主明言「差啲一巴打埋去」，若不是其母阻止的話，自己應該打死對方，並明言「唔會同呢家人有乜聯絡」。
對此，不少網民都對樓主的遭遇深感同情，批評「P 牌仔」態度差劣，「呢啲親戚，不要也罷！」、「比我實爆，正宗打靶仔」。同時不少網民更認為樓主不應借車，「車同自己女人一樣，無可能借畀其他人渣」、「下次唔好借」、「貴重嘢就唔好借啦」。
【相關報道】紅的逆線行駛撞電單車 網民：仲夠膽分享條片出嚟？【下一頁】
【相關報道】驚見 Tesla「新車」MODLE S？ 路人自嘲孤陋寡聞：係我多心定佢真係串錯【下一頁】
想睇盡全城最 Hit 科技生活影片，請即【按此】瀏覽同埋 subscribe ezone.hk 嘅 YouTube channel。
Source：香港討論區