UA Cinemas 今日突然宣佈全線結業，引起港人關注。然而，另一院線亦因此出現爭議，因爲位於 K11 MUSEA 的 UA K11 Art House 上月底被 MCL Cinema 的母公司豐德麗集團收購，當時 UA 表明綠色的「UA K11 Art House」現金禮券可繼續於新營運的 K11 Art House 使用。然而，MCL 在 UA 宣佈結業後竟突然反口表明：「不會再接受 UA K11 Art House之現金禮券」，引來一眾苦主在帖文下留言痛罵。
- UA K11 Art House 上月底被 MCL Cinema 的母公司收購，當時 UA 表明「UA K11 Art House」現金禮券可繼續於新營運的 K11 Art House 使用
- MCL 在 UA 宣佈結業後卻突然反口，表明：「不會再接受 UA K11 Art House之現金禮券」
- 一眾苦主在帖文下留言痛罵，指 MCL 出爾反爾
【相關報道】UA 戲院公告即日起全線結業【下一頁】
有苦主在帖文下留言，怒罵：「之前 UA 執 K11 話可以換 coupon 喺接手嘅戲院用，依家你哋又話唔得，咁即係玩緊我哋班消費者啦！」、「嘩，出爾反爾」、「前排 UA Arthouse 賣比 mcl，我哋 UA Arthouse 未用晒嘅 coupon 咪去咗做手續變做 mcl musea 用得嘅 coupon 囉，而家又改口話唔用得」、「垃圾 MCL 當日買 K11 果陣已經承諾咗 K11 coupon 可以繼續用，宜家反口就將所有責任推返落 UA 度！」、「用券通常要另外補錢架啦，咪仲有錢賺，何必做到咁 CHEAP」、「打個七折收返當做宣傳啦，唔使做到咁絕！」、「割蓆割得咁開心，就睇下你幾時執！」
然而亦有持相反意見的網民留言，說：「兩間唔同公司，點解要幫手？」、「睇牌面，似係關 UA 事啫，點會關 MCL 事，罵都罵 UA 啦」、「事實上現金券對應的係 UA，狂噴 MCL 都無補於事，MCL 本身無欠落」、「買場無包債務，有咩問題」大家又覺得呢？
【相關報道】【UA 結業】回顧 5 間最具代表性 UA 戲院 一切由沙田 UA6 說起？【下一頁】
【相關報道】【專訪】資深影迷分享 UA 戲院結業感受 港九 UA 戲院各留家人回憶【下一頁】
想睇盡全城最 Hit 科技生活影片，請即【按此】瀏覽同埋 subscribe ezone.hk 嘅 YouTube channel。
Source：MCL Cinemas