新冠肺炎下經濟不景，不少人都因此而失業。不少公司在面試新人時，也會提出不同的情境題來考驗求職者的應變能力。近日一名失業港女在討論區中大呻自己在見工時大感受辱，指面試當日，對方疑用一條情境題存心刁難，不單語氣惡劣，更對自己冷嘲熱諷，甚至揶揄自己不如繼續失業，使雙方差點要吵架收場，使她不禁批評「見工見到咁我都係第一次，一啲尊重都冇！」
- 疫情下經濟不景，不少人均面臨失業
- 有求職者在求職時指被面試官以情境題刁難
- 使她不禁怒斥「見工見到咁我都係第一次，一啲尊重都冇！」
樓主在網上討論區以「去見工好似畀人侮辱咁」為題，稱自己早前到一間中介公司面試，她形容面試官為一名中年男人，「唔肯定係咪 HR，口氣似老細」。她表示當日正常地完成自我介紹後便「嚟料」，並以情境題考驗自己：
面試官：如果聽日有個大 Project 要交，臨時個客有嘢要改，你嗰晚又要睇演唱會，你會點做？
事主：如果唔大改，朝早返嚟改
面試官：萬一你改唔切呢？
事主：咁我唔睇演唱會改
面試官：你啱先唔係咁講㗎喎！
事主：咁請問係你嘅話，會點做呢？
面試官：哈哈哈！咁要問你自己啦！
其實事主當時已有向對方表示自己雖然失業，亦有向對方表明失業期間一直有充實自己。誰料，對方卻揶揄自己：「咁開心，不如咁樣繼續落去啦，哈哈！」對此，事主大感被侮辱，認為面試官所提出的情境題是故意刁難，更稱「啲語氣臭到好似我求佢比 offer 我咁」。雖然她也明白自己作答情境題時表現未必是最好，但對方的態度更讓自己心生不忿，直言：「黐線！見工見到咁我都係第一次，一啲尊重都冇！到而家我都唔明係咩心態！」
對此經歷，不少網民留言，有網民表示面試時可反映出公司的部分的情況，認為事主未有被取錄或是好事，亦有網民提出各種應對方法供樓主參考，「你應該一開始就答唔 X 睇演唱會，Interview 都係交戲嘅姐」、「吓，我都唔睇演唱會嘅，我最鍾意返工，因為返工係我嘅訢求」、「我會唔睇，飯都唔食即刻返嚟改，演唱會飛最多都係幾舊，為公司損失幾舊我亳無怨言，就算為公司付出所有，付出我所有身家，我都在所不辭！我真係好鍾意返工！世界末日我都會返嚟改。」
【相關報道】港男借錢替母醫病負債十幾萬 後發現母親竟有 2 層樓在手？【下一頁】
【相關報道】抱怨母親要求上繳一半電子消費券！失業男呻：就嚟食飯都有問題【下一頁】
想睇盡全城最 Hit 科技生活影片，請即【按此】瀏覽同埋 subscribe ezone.hk 嘅 YouTube channel。
Source：Lihkg