中國人傳統的婚禮習俗中，新娘會在戴上所有親朋戚友送出的龍鳳鈪作「show off」，亦象徵滿載福氣。近日 Facebook 群組則傳出兩張照片，相中可見新娘頸上戴近百隻龍鳳鈪，令樓主不禁感嘆：「女人想嫁得好一定要去做 Gym 練頸椎」。
- 中國結婚傳統習俗，新娘會將收到的金飾掛在身上
- 網傳一張國內新娘的頸上戴近百隻龍鳳鈪的照片
- 令人感嘆「要嫁得好需有強壯嘅頸椎」
由群組上傳的照片可見，身穿白色婚紗的新娘頸上掛上近百隻以繩串連在一起的龍鳳鈪，同時手上亦戴有不少的金器。而新郎頸上雖沒有新娘戴上的金飾繁多，但同樣也載上近十條的粗金鏈。樓主不禁在帖文中表示「如果女人無強壯嘅頸椎，又點戴得晒呢堆金器呢？睇相都覺得重！」
對此，網民的意見不一，有網民質疑金飾的真假，「粗略目測有 90 隻 ... 真金嘅受得起咩？淘寶貨，掛多幾串都冇意思啦！」、「淘寶扮 999 千足純金」、「膠嚟嘅」、「依個似枷鎖，多於祝福」。
另有更多網民認為頸上所戴的並非真金，「點解佢仲咁輕鬆，啲金係咪風吹得郁」、「其實呢啲好輕的，而且好細力已經可以捏到變形」、「如果係真金，你估佢條頸仲可以咁直，果然乜都係假」。同時有網民認為將金飾戴上身不足以證明其「財力」，「不如貼張屋契上身仲好啦，輕啲舒服啲呀」。
【相關報道】公屋男帶女友「見家長」 母建議婚後搬入現住公屋嚇親未來新抱 【下一頁】
【相關報道】未婚妻 2 個月內花掉 140 萬 男子被當「人肉提款機」決定悔婚【下一頁】
想睇盡全城最 Hit 科技生活影片，請即【按此】瀏覽同埋 subscribe ezone.hk 嘅 YouTube channel
Source：Facebook @ 爆笑貼圖區