網上流傳一組照片，疑是兒子「拆屋」強迫媽媽賣樓分身家。圖中可見一個單位內被人惡意破壞致凌亂不堪，牆上更寫有應是子女寫給母親，內容大概提到要求母親「賣樓」套現，再要求分取 300 萬元，之後「各行各路」。不過網傳的圖片事發地點時間不詳，此事引起大量網民熱論。
- 網上瘋傳照片，疑為兒子「拆屋」強迫媽媽賣樓分身家
- 圖中可見單位牆上寫上字句
- 引起大量網民熱論
照片在 Facebook 多個群組上瘋傳，單位內一片凌亂，地上滿佈雜物碎片，屋內的枱燈、電視均被推倒在地上，而櫃桶也有被拉開和翻找過的痕跡。
相中除了可見被嚴重搗亂外，客廳的牆上也寫有字句，「To 老媽，我想你應該還不是很明白。我不是在外住到 6 月份，我係要分一半房屋的價錢 3 百萬。之後過我自己的生活。我不會回來的了。」、「我要嘅係尊重，對自由、尊嚴、平等嘅待遇。自己的私人生活工作，都與你和任何人無關」。
照片傳出後，已引來大量網民熱論，不少網民均表示涉事的媽媽看到子女留下牆上的一番話，應該會心痛不而，「係咪畀父母由細縱到大嘅孝子呀？」、「實在不能想像過位母親而家的感受。」、「媽媽應該好心痛」、「生啲咁嘅仔，賣樓後一蚊都唔會畀佢」、「錢都唔及親情，真係咩人都有」。
亦有網民靠相中情況及牆上字句猜測事件來龍去脈，「叫得阿媽做『老媽』，個仔都應該有返咁上下年紀，重要寫得咁理直氣壯要分錢，可能係有份供但層樓冇個仔名，而『老媽』就死都唔肯賣樓。純靠估。」、「講得係尊重的問題，就唔係純粹錢銀啦，外人點會清楚。咁樣都未算拆屋，只係發脾氣。我以前聽講有人係每幅墻甚至每塊瓦仔都打碎」、「一家唔知一家事，我就唔會咁下判斷囉」。
【相關報道】奶奶「踩場」發帖向未來新抱派定心丸？ 強調得一個仔但堅決不做「野蠻奶奶」 【下一頁】
【相關報道】小一生謊稱學校放假曠課！港媽怪罪外傭「甩漏」被網民圍插【下一頁】
想睇盡全城最 Hit 科技生活影片，請即【按此】瀏覽同埋 subscribe ezone.hk 嘅 YouTube channel
Source：Facebook @ 傑出男公關