臨近母親節，不知大家會怎樣與媽媽慶祝？近日，有網民在網上討論區大吐苦水，表示自己以往也會購買昂貴禮物或直接給 5 位數的現金給母親作禮物，報答她多年來的付出。不過，新冠肺炎疫情持續一年半有多，經濟條件確實不如以往，所以今年便提前向母親表示只請她外出「食大餐」。誰料，母親卻表明要 2 萬元作禮物，事主拒絕反遭母親發脾氣，使其不禁無奈反問「答謝母愛係咪一定要用錢去答謝」。
- 臨近母親節，不知大家會怎樣與媽媽慶祝
- 有網民大呻因經濟條件轉差，今年計劃轉請媽媽「食大餐」慶節
- 媽媽明言要 2 萬元作禮物，事主拒絕後更遭媽媽發脾氣對待
樓主在網上討論區以「呀媽叫我畀兩皮佢做母親節禮物，我拒絕佢立即發脾氣」為題，大呻受疫情影響，自己的經濟條件難免會受到影響，早前更有一段時間被公司要求放無薪假，所以自己近來不想花太多金錢。不過由於以往的母親節都會「請老媽食貴嘢、買袋或者送 5 位數現金」給她作禮物。有見及此，今年便提前向媽媽表示計劃僅帶她外出「食大餐」。
誰料媽媽卻明言今年禮物只要 2 萬元現金作禮物便可，更語帶雙關地指「出嚟做嘢咁耐，加碼都唔過份」。樓主聞言後拒絕，卻反遭母親「發爛渣」，以粗口斥罵樓主之餘，更指「辛苦養大我，少少錢都同佢計」。樓主其後已馬上解釋自己因經濟環境不景，不想花太多金錢，但仍不獲媽媽理解，「佢仍然講悔氣說話，又話心淡」。更著樓主今年母親節毋須慶祝，直言「唔想同我講嘢」。
對此，樓主大感無奈，於是在網上討論區發文，詢問一眾網民「答謝母愛係咪一定要用錢去答謝？」，認為自己已經有心與母親慶祝，卻轉來如此對待，大感不公。
對於樓主的遭遇，不少網民均感到同情，「如果你客氣回絕，佢講粗口都幾過份」、「伯母係咪有咩問題？」、「坦白同老母講，放得太多無薪假收入大減，兩皮就冇最多畀兩百蚊，唔要就慳翻，放低兩百蚊鬆人」、「嘩，咁都得？母親節，我哋 4 兄弟姊妹嗌 外賣嚟我家開 party ja wo」。不過也有網民表示皆因樓主以往對媽媽太好，「你養大咗你呀媽胃口，我從來都係有咁窮扮咁窮」、「對任何年齡層的女性，也不能太過遷就，堅持用你認為恰當的方式，幫佢賀母親節，不能佢話點就點，待其心情平伏後，再講出自己的難處」。
【相關報道】媽媽偏心靚細妹 家姐被鬧樣衰：嫁唔出就自己食自己【下一頁】
【相關報道】【人財兩失】港男哄父母賣樓齊移民英國 收錢赴英後老婆拒接兩老走【下一頁】
即刻用 App 睇更多產品開箱科技影片＞ https://bit.ly/3wBb2QV
Source：香港討論區