蘋果手機大多數的零件也產自內地，自然這些零件也可輕鬆地在淘寶網上購買。近日有網民表示自己在淘寶上購買一塊新的 iPhone 電池，打算自行更換，但卻不小心將電池膠粘成一團，以致無法更換電池。他將經歷分享於 Facebook 上關於淘寶的「中伏」群組。不過唔少網民卻不認同樓主的經歷為「中伏」，反而只是其技術不佳所致。
- 淘寶網上可輕鬆購買蘋果手機的零件
- 網民在淘寶上購入一塊新電池，打算自己更換 iPhone 電池
- 不小心將電池膠粘成一囤，無法更換卻認為自己「中伏」
樓主表示 iPhone 手機提示其手機電池效能已經顯著降低，所以自己便在淘寶網上購買一塊新的電池，打算自行更換。誰料，出師不利，在他未更換電池時已經將三條電池膠粘成一團。由於更換電池必須配合電池膠，所以未能成功更換電池，對此大感失意兼覺「中伏」。不過他亦有在帖文中表示，是因「本人大意」導致電池膠粘成一團。
帖文一出，不少網民均表示幸好他未能自行更換電池，「好彩你整唔到咋，唔係我哋都唔會再見到你 post 嘢囉，回頭是岸，返蘋果換啦，350 蚊左右咋，仲有保養，爆咗都有保險賠啦。」、「你有無買定醫療保險？」、「真的要小心，一爆，你保險都冇，去授權中心和蘋果維修中心，都貴少少，而且佢地有買保險，有保障。」、「淘電池咁大膽」、「好平？返 apple 換都係 300 幾，安全啲呀」。由於樓主將帖文發布於淘寶的「中伏」群組，但網民卻認為此事與「中伏」並無太大關系，「你自己唔識整又關咩淘寶中伏啫」、「“本人大意”關淘寶咩事」。
事後，樓主在留言區更新指自己再次更換電池成功，更開心分享「換左喇，淘寶電同原厰電都系(德賽)同一個牌子」，不過網民卻認為仍然危險，「淘寶野你鐘意咩牌子都得嫁，佢幫你印落去炸嘛」。提提大家，自行為手機更換電池，除了有機會失去原廠保養之外，在更換過程中也有危險，大家切勿亂試。
【相關報道】iOS 14.5 Beta 電池重新校準有驚喜？iPhone 11 Pro 最大電池容量升 4％【下一頁】
【相關報道】美國男子起訴 Apple 指控 iPhone 6 爆炸致其臉部受傷【下一頁】
即刻用 App 睇更多產品開箱科技影片＞ http://bit.ly/ezfb-tv