打工仔必學！6 個 Excel 神技巧 複雜工作一秒搞掂

你係咪仲係逐格 Copy、逐行加數、人手輸入表格？Office 打工仔每日都要對住 Excel，基本公式人人識用，但原來有唔少內置快捷鍵同功能，可以將原本要花幾分鐘甚至幾十分鐘的工作，瞬間一鍵完成。以下 6 個實用技巧，學識一個已經值回票價！

1. 將混合資料自動分開（Ctrl + E）

收到一大堆混合資料全部塞喺同一格，數量少還可以人手 Copy & Paste，但幾百幾千筆就真係無可能逐個做。其實只需要手動填寫第一個範例，讓 Excel 理解你想抽取的格式，之後喺下方空白儲存格按 Ctrl + E，Excel 就會按照你的範例規則，自動將所有對應資料抽出，一次過完成！

📌 適用場景：分拆姓名與電話、從地址中抽出區域、整理客戶資料等

↓點擊圖片放大↓

2. 一秒找出不同之處（Ctrl + \）

要在大量資料中用肉眼找出差異，既費時又容易出錯。只需選取要比對的資料範圍，按下 Ctrl + \，Excel 就會自動標示出與同列其他儲存格不同的位置，一秒即可完成比對。

📌 適用場景：核對兩份名單、找出資料更新位置、審查報表差異

↓點擊圖片放大↓

3. 一鍵計算所有總和（Alt + =）

SUM 公式人人識，但要逐行輸入都幾煩。選取需要加總的儲存格範圍（可同時選多列），按下 Alt + =，Excel 會自動為每一列計算總和並填入結果，比逐行手動輸入公式快得多。

📌 適用場景：月結報表、銷售數字加總、預算計算

↓點擊圖片放大↓

4. 一鍵自動美化表格（Ctrl + T）

做完報表之後，格式設定、篩選按鈕通通要人手加？其實只需選擇表格範圍，按下 Ctrl + T，Excel 就會自動套用格式美化，同時加入篩選功能，日後查看、排序資料更加方便，基本上零人手扮靚。

📌 適用場景：快速整理原始資料、製作可篩選報表、美化演示用表格

↓點擊圖片放大↓

5. 一鍵自動製作圖表（Alt + F1）

做簡報時，一堆數字遠不及圖表直觀。喺 Excel 選擇好資料範圍，按下 Alt + F1，就會即時自動生成圖表，仲有多種樣式可以選擇，省去大量手動設定時間。

📌 適用場景：銷售趨勢圖、數據比較、簡報視覺化

↓點擊圖片放大↓

6. 用手機掃描紙本表格直接變 Excel

突然收到紙本表格要數碼化？除了逐粒字人手輸入，其實可以用手機免費完成！在手機安裝《Microsoft 365》App（免費下載），開啟後選擇右下角「建立」→「Excel」，即可見到「掃描表格」選項，將鏡頭對準文件拍攝，App 就會自動辨識並轉換成可編輯的 Excel 表格，省時省力。

📌 適用場景：將紙本收據、簽到表、舊有印刷報表數碼化

↓點擊圖片放大↓

+2

6 大技巧速覽

以上 6 個技巧，全部係 Excel 內置功能，唔需要安裝任何外掛，即學即用。最建議由 Ctrl + E 同 Alt + = 開始練習，處理大量資料時效果最立竿見影！

【熱門報道】

【熱門報道】

即刻【按此】，用 App 睇更多產品開箱影片

Source: ezone.hk