最近大家都成日聽到 ChatGPT，佢除咗可以幫大家搵各種問題嘅答案，仲會以好自然嘅方式表達，撮要成簡單易明嘅版本，就連博士論文都寫得出，好萬能啊！今次，我地就同大家介紹，響日常生活當中，可以點樣玩轉 ChatGPT，一齊黎睇吓啦！而且 3 月 2 日起，ChatGPT 已開放 API，令 iOS App 亦能提供 ChatGPT 功能，使用更方便；3 月 4 日 PoE 就提供網頁版本，讓 Android、macOS、Windows PC 都可以免 VPN 用 ChatGPT 了；5 月 24 日正式推出 Android App 版。
2023.5.24 Poe 的 Android App 版正式在 Google Play 上架。
即刻【按此】，用 App 睇更多產品開箱科技影片
=========update 4/3/2023=========
《PoE》原先只有 iOS App，今日開始提供網頁版，Android、macOS、Windows PC 用戶可到 www.poe.com 登入使用。Android 用戶記得要在使用時，在瀏覽器選擇「桌面版網站」。
=========update 2/3/2023=========
在 OpenAI 開放 ChatGPT API 後，《PoE》正式加入 ChatGPT 聊天機械人
===============================
1. 提升約會情趣
識講嘢嘅人響社交場合，總係會更加容易吸引人，但係如果好似我呢啲內向型嘅女仔，見到想去識嘅男仔又唔知點開口，等我問下 ChatGPT 可以點算先！
「如果我見到一個心儀嘅對象，可以點樣打開話題啊！」
2. 即時外語翻譯
如果見到一個外國人，又唔識得對方嘅語言，例如去食意大利餐廳，主廚出黎問 𠳷啲野好唔好食，想用意大利文讚下佢，其實 ChatGPT 都幫到手，翻譯成句自然嘅外文，同 Google Translate 唔同，就算有一些口語化嘅語句，都唔會難到佢。
「用意大利文讚美主廚煮出來的東西很好吃，薄餅口感非常好，蕃茄意粉的味道簡直讓我流口水」！
3. 提供創作靈感
我習慣每日都會更新 IG，將果日見到有趣嘅事物寫低，同自己朋友分享之餘，亦都可以俾自己一個回憶。不過，有時太攰同埋太忙，都未必有心機去諗點樣出 Post，等我試下將想寫嘅野同 ChatGPT 講，叫佢幫手寫個 Post 先。
「今日我在公園見到一個可愛的小朋友，還和他玩耍，幫我用 100 字繁體中文寫 Instagram Post。」
嘩，真係寫得幾好喎，仲識得落 Hastag 添！
4. 提供健身建議
作為女仔，Keep Fit 係終身事業，除咗可改善身體健康，更可以令身型更靚提高自信心、緩解壓力、增加幸福感。不過，好多時都唔知點樣著手，ChatGPT 可當充健身教練，只要提出想要的要求或目標，佢就會提供相應的訓練計劃。
「想建立一星期的訓練，目標在 1 小時內完成 10 公里跑步」
等我試下跟住佢的計劃來訓練先！
5. 禮物推介
朋友生日就到，想買件禮物比佢，又唔知買乜好！問下 ChatGPT 就可能有唔錯嘅建議，不過要比多少少 Background 資料佢，如對方年齡、喜好、預算等等，ChatGPT 先可以有較精準的推介！
「朋友今年 25 歲，係個 IT 人，平時玩上網打機、聽韓文歌，有時做下健身，我想買一件不超過 HK$2000 的生日禮物比佢，請提供 6 個建議」
都相當多選擇，等下考慮下先！
6. 擬定訪問問題
作為一個小編，有時會訪問一啲企業高層同老闆，最頭痛當然係要預先準備一大堆問題交比 PR，等受訪者可作準備。ChatGPT 原來都可以幫到手，只要提供訪問對象資料，就可自動產生相關行業嘅問題，更可指定特定範疇、產品、主題作問題建議！
「我是一名記者，將訪問 Apple CEO Tim Cook，想設定 6 個關於 iPhone 未來發展的問題！」
問題都似模似樣，希望我真係可訪問到 Tim Cook 啦！
Tips
雖然 ChatGPT 好多野都識，但而家 ChatGPT 仲係初部推出階段，資料停留響 3 年之前，有時都會有奇怪的答案同錯誤，除咗之前有網友成功地教壞佢話 Mirror 嘅 Anson Lo 係二胡高手外，我今次問佢雲吞雞點整，佢就俾咗個完全錯晒嘅食譜我。所以對於一啲重大決定，佢嘅答案最多做參考好喇！如果想用得更加爽，等我俾幾個 Tips 大家啦！
- Tips 1 指明用繁體中文作答 - 根據我地測試，ChatGPT 的回答有時會用繁體中文，有時又用簡體中文，如果想將佢嘅答案 Copy & Paste，可以直接叫佢用繁體中文答，好似前面例子 2 咁樣！
- Tips 2 - 講明自己嘅要求 - 如果想 ChatGPT 俾足夠數量的答案，其實可以講明自己嘅要求，例如要幾多個字，或者幾多個 Point 同選擇，咁樣就唔怕佢答嘅野太 Hea 啦！
- Tips 3 - 直接講就得 - 宜家玩 ChatGPT，iPhone 最方便就係用今次示範的 POE App，雖然現階段佢唔可以好似 Siri 咁樣一叫就出黎，但其實要問野都唔洗逐粒字打嘅。iPhone 嘅 Keyboard 其實有語音輸入，只要將 Keyboard 轉到繁體中文，然後襟側面嘅 Mic 制，就可以直接講出你嘅問題嫁喇，用廣東話完全都無問題啊！
總結
ChatGPT 嘅出現可以話改變咗成個世界，以上 6 個只係其中一部份應用，仲有更多嘅潛力有待各位去發掘。其實，除咗 ChatGPT，AI 人工智能已應用相當多領域，好似 AI 生產圖片、甚至影片、AI 語音分析等等，目標都係為我地帶來更多創新和改變！
【熱門報道】
【熱門報道】
即刻【按此】，用 App 睇更多產品開箱影片
Source: ezone.hk