內地平價飲品店「蜜雪冰城」繼續擴大香港版圖！繼旺角、尖沙咀之後，最新分店登陸荃灣如心廣場，成為全港第6間分店！消息一出，即刻吸引大批街坊排隊朝聖，皆因$5一支雪糕、$9一杯飲品真係抵到爛！
即刻【按此】，用 App 睇更多產品開箱影片
蜜雪冰城荃灣新分店
內地人氣平價茶飲店蜜雪冰城進駐荃灣！日前有不少網民發現荃灣如心廣場新開一間蜜雪冰城，已經吸引大量食客在店外排隊等候。蜜雪冰城在港分店迅速擴張，與旺角首店開張相隔不足一年，就迎來繼早前的尖沙咀分店，以及日前開張的荃灣分店，亦是蜜雪冰城香港全線的第6間分店。
↓點擊圖片放大↓
網民初體驗：服務員普通話叫號
剛開業的蜜雪冰城荃灣店，經已吸引不少食客，亦有網民在香港高登討論區，發文分享初體驗「多人排隊服務員普通話叫號」。有網民指在蜜雪冰城荃灣店內「Menu照用簡體字，服務員用普通話」，不過無阻港人消費「仍然很多香港人排隊買嚟飲」。
蜜雪冰城主打平價茶飲、小食低至$5
蜜雪冰城主打平價茶飲，全店價錢都介乎在$5至$20，低至$5就有一支新鮮冰淇淋！茶飲款式眾多除了果茶系列，亦有奶茶、咖啡、特飲等。低至$9就有一杯飲品，包括高山四季春、蜜雪原葉紅茶、冰鮮檸檬水等，想加一些咬口配料如珍珠、芋圓等都只需加$1至$2。
▼即睇店內詳細Menu▼
↓點擊圖片放大↓
蜜雪冰城分店詳情
地址：荃灣大河道98號如心廣場二期1樓101A號舖（新店開幕）
▼即睇其他分店詳情▼
來源：Facebook@荃灣人、小紅書、香港高登、港生活