香港雖說是購物及美食天堂，但說到遊覽香港後可以買哪些手信衣錦還鄉呢？相信連香港人自己，想到頭崩額裂都未必想到如中國長城擺設一類的「地道手信」。正因如此，全能的網民再度集氣，討論香港究竟有何手信好買。當然，討論期間總有網友派住膠地答「揮一揮衣袖，不帶走一片雲彩」，但細數之下，原來香港都有不少特色 item(s)，如：優之良品、燒鵝、鹹魚，蝦醬、珍妮曲奇、Tempo 紙巾、白花油......下刪一百種產品。
【精選消息】
【精選消息】
此 post 之中也不忘討論不同地方的遊客會在香港買哪些手信，例如外國遊客鍾情廟街小物、大陸遊客會買奶粉，而有網民就表示，自己的日本朋友喜歡來港購買黑人牙膏、Tempo 紙巾、白花油之外，也有另一位網友的日本朋友至 like 3 合 1 奶茶、阿華田、維他奶、嘉頓雞餅及嘉頓薄餅，認真估你唔到！除此之外，奇華老婆餅、維他幻、維他檸檬茶、嘉頓朱古力手指餅都是眾望所歸之選，其實一直追 post 之後，都覺香港好物眾多，只是因為大家長居香港，總覺得香港沒有特別手信可買。原理就如香港人常常去日本買 Tokyo Banana 做手信，但日本人只覺得 Tokyo Banana 是普通零食，根本不足為奇。
網民精選香港手信一覽：
「台灣 friend 買：出前一丁、維他檸檬茶、大排檔即沖奶茶、百力滋、嘉頓隻朱古力手指餅、珍妮曲奇」
「優之良品，大陸最愛」
「鹹魚、蝦醬、老婆餅、蛋卷」
「日本 fd 好鍾意黑人牙膏、Tempo 紙巾、白花油」
「日本人會買 3 合 1 奶茶、阿華田、維他奶、嘉頓雞餅、嘉頓薄餅」
「韓國人好鐘意黑人牙膏，仲有虎標」
「好多日本仔都會去上環整印章」
「正經嘅手信咪奇華、榮華，去超市可以買出前一丁、五香肉丁。只係你香港生活慣，唔覺得有手信姐」
「諗起台灣人都幾鐘意維他檸檬茶」
「韓國同事好鬼鐘意奇華啲餅」
Source: hkgolden