Tesla 車 Cam 捉正「波子」垃圾蟲 網民:車 Cam 好清

| Kay | 18-09-2017 12:52 | |
Tesla 車 Cam 捉正「波子」垃圾蟲 網民:車 Cam 好清

自從世上多了車 Cam(行車紀錄儀)這種偉大發明後,一眾胡亂泊車妨礙他人上落的「泊車 L」,又或者特意加大油門,攔著對方 cut 不到線的「篤油 L」,「惡行」的確無所遁形,甚至是眾多交通意外的實情,都是有片有真相。之不過,各位車主又會否想到,原來車 Cam 都可以用來「捉垃圾蟲」?一部 Tesla Model X 車主,他的後車 Cam 正正拍下泊在背後的 Posche Cayanne 車主,化身「波子垃圾蟲」將 Tesla 車尾定風翼當垃圾桶的經過。而這位 Tesla Model X 車主當然將「波子垃圾蟲」影片放上 Facebook,更斥責 Posche Cayanne 車主,「我車尾唔係垃圾桶,做人俾啲公德心啦」。

【精選消息】

【精選消息】

正所謂:「有片有真相」,這位「波子垃圾蟲」確實有亂拋垃圾到 Tesla 車尾,而且事後雖有數秒是盯緊被當垃圾桶的 Tesla Model X,疑似發現有後車 cam 的存在,但最後也若無其事地駛回自己的 Posche Cayanne 離開。其實亂拋垃圾這件事的本質已經是不對,因此不難怪當這段影片在 Facebook、YouTube 瘋傳後,「波子垃圾蟲」確實被網民聲討得一文不值。「真係好冇品,我諗佢仔女都應該似足佢比垃圾佢食」、「有腦有觀察力,見到車 cam 著咗就唔好做賤嘢啦」、「白痴兼無公德,到底仲有幾多人唔知有車 cam」。與此同時,更有網民發現 Posche Cayanne 車主原來已有「一架車泊兩個位」、「泊正英皇道成坤廣場巴士站」的前科,並貼圖示意車主實屬惡貫滿盈之徒。

反而,在眾多留言之中,也有網民大讚車 Cam 拍得清楚,連出 post 的樓主都大讚自己所用的 Blackvue DR650S「真係超值」,不知各位沒裝後車 Cam、有意裝後車 Cam 的朋友,又否會想入手呢?

【精選消息】

【精選消息】

精選網民留言:

「真係好冇品,我諗佢仔女都應該似足佢比垃圾佢食」

「我諗佢後尾見到你有 cam 但係又唔敢攞返舊垃圾走」

「佢有咁醒就一開始唔咁做啦,佢驚再行返去會又上鏡,點知你個 cam 咁高清啫」

「有腦有觀察力,見到車 cam 著咗就唔好做賤嘢啦」

「有車牌,有樣,報得警~」

「學人渣波子」

「好清楚喎用邊隻 cam?」

「有錢冇品」

「如喺路上見到佢違例真係要關照吓佢。」

「填張簡單既表格送多佢一程」

Tesla 車 Cam 捉正「波子」垃圾蟲 網民:車 Cam 好清
片段中清楚可見「波子垃圾蟲」亂拋垃圾到 Tesla 車尾。

Tesla 車 Cam 捉正「波子」垃圾蟲 網民:車 Cam 好清
之後這位 Posche Cayanne 車主,雖疑似發現有後車 cam 的存在,但最後也若無其事地駛回自己的汽車離開。

Tesla 車 Cam 捉正「波子」垃圾蟲 網民:車 Cam 好清
網民一致認為「波子垃圾蟲」超級無品。

Tesla 車 Cam 捉正「波子」垃圾蟲 網民:車 Cam 好清
有網民貼圖「舉報」這位「波子垃圾蟲」早有「泊巴士站阻塞交通」及「一架車泊兩個位」的前科。

Tesla 車 Cam 捉正「波子」垃圾蟲 網民:車 Cam 好清
另外有網民貼出食環署「從車上拋擲垃圾」表格,強烈建議樓主作出舉報。

Source: Kevin Ma @ Tesla Model X Owner's Club of HK Facebook

Page 1 of 11