世界各地不少公共交通營辦商為減低司機、乘客之間的紛爭，通常會在司機位旁邊加設膠板或鐵欄，將兩者分隔。原來最近九巴都有類似的設施，在柏斯敦巴士台 FB 圖片可見九巴於 10 月 26 日試驗於駕駛室旁加設透明膠板，目的為「分隔車長及乘客，以減少乘客向車長作出肢體衝突，保障車長人身安全」，雖然有網民認為「裝鋼板先有用」，但也有網民覺得「其實有等於無，不過有好過無」。
【精選消息】
【精選消息】
巴士司機、乘客在車上有所爭執，在近年的確屢見不鮮，所以有網友見到這個 FB post 時，就留言表示：「一早就要啦」、「對住啲野蠻鹹魚，唯一的自保方法！」、「一早要咁做，做咗好過冇做」，甚至有網民問行 FF 模式，講笑咁話「不如容許車長佩戴槍工作」、「建議巴士司機當值期間可携帶胡椒噴霧」！
不過有網民覺得圖中這種非 100% 阻隔的透明膠板，對司機的保護作用著實不大，「可能要再封密啲」、「封咁少不如唔好封，多此一舉」，遇上暴力乘客的話，「膠板都比人打爆，你估好硬淨？」，更建議九巴「裝鋼板先有用」、「跟英國一樣，全封，咁至唔會受到滋擾」。未知九巴又會否接納網民意見，再作改善呢？不如看看網民有何留言：
支持加裝透明膠板：
「對住新香港人，係好過無嘅」
「一早就要啦」
「對住啲野蠻鹹魚，唯一的自保方法！」
「其實有等於無，不過有好過無」
「德政，有效阻止休班司機與當值司機談話引致交通意外發生」
「對車長嚟講有啲保障」
覺得透明膠板作用不大：
「又係有等於冇嘅嘢......係整就整完整版啦」
「有個窿咪一樣」
「跟英國一樣，全封，咁至唔會受到滋擾」
「封咁少不如唔好封，多此一舉」
「膠板都比人打爆，你估好硬淨？」
「係要動粗......膠板邊擋得住......可能變埋做武器」
