作為大專生、大學生的你，除了考試之外，人生最重要的事情就是 present、present 同 present，只要做得夠好，GPA 隨時可以爆 3 過 4，但假如發生此等鞋底粉碎的意外，弄得全班同學哄堂大笑，也不知笑好定喊好！
樓主在討論區留言兼貼圖，指當時個個夾好著套西裝回校 present，在 present 時只見前排同學仔係咁笑，於是斜眼望向旁邊的組員，只見地下像踩了 Oreo 朱古力餅碎一樣，再望真一點，原來是組員鞋底碎成這樣。加上其他同學笑得太大聲，令這位組員惱羞成怒爆 seed 講句粗口後，隨即衝出班房。及後，這位組員回到座位上，換上另一對鞋，再去出去踢堆鞋碎，兼將鞋碎執入垃圾桶。
【精選消息】
【精選消息】
其他網民見到有圖有真相，除了強力恥笑、表示要食住 Oreo 睇呢個 post 之外，有的也十分同情這位組員，更表示佢其實好慘，不明白樓主為何要笑佢，更指組員是要互相幫忙，而不是開 post 恥笑。此外，有網民留言自己碎鞋的經歷，表示有部分鞋太耐無著，碎底就會碎；有網民指自己當時見工先嚟甩鞋底，硬著頭皮繼續見工都係咁。在此寄語哪位碎鞋底的同學，經一事長一智，不要太介懷碎鞋底的事情吧！
部分網民留言
向佐走向鼬走：我都試過碎皮鞋鞋底
金剛君子刀：鞋底用咩做，可以碎成咁
一 X 嘴：其實都幾 X 慘，如果我係現場又同佢唔熟既話一定唔會笑佢
毀天滅地李知恩：食住 Oreo 咁睇呢個 post
小麥塵：Cheap 鞋放得耐唔著，一著返，一係爛皮，一係爛底
Gunners：我都試過皮鞋碎底，對鞋太耐無著，仲要見工前先碎
口德積分統計專員：如果樓主齋 up 圖架話，我會以為佢 present 嗰陣偷食，驚俾 prof 發現，然後踩碎咗啲 oreo
菓然系檸檬茶：試過見工前對鞋甩鞋底，見我工個條友口講我有勇氣，實則笑到 X 街
三哥：當初 fresh grad 去見工我對皮鞋就係碎成咁。對鞋由中學開始冇著擺左幾年，到行落地鐵站先知賴野，好彩有預早時間，即刻出旺角買返對新既先再去見工
Source：lihkg