女人與 B，不得上車？四人的士不接五名乘客，是拒載嗎？網民 Fan Danny 在「的士司機資訊網 Taxi」面書公開群組發帖，如電影劇本般留下了以下一段對白：
降下左邊 車頭玻璃窗，
我：我架的士係四人車嚟個喎 !
她：咁細個手抱 BB 都計 !
我：警察見到可能會運用酌情權...... 但
她：咁咪得囉 !
我：但係有意外損傷，燕梳會話五個人頭，
就會 係超載，如果燕梳唔賠，我就死得㗎嘞 。
她們：#%@*x&=●©℉
該網民在帖子末段表示：「沒有接載，亦無問目的地，開車離去 。」不過離開前卻為乘客們拍攝照片，更指「除咗個手抱嬰孩之外，全部 都仲係 嬲爆爆 ........」
網民：講法例 係拒載
該帖子亦被「巴打絲打 Facebook Club」面書公開群組的網民熱烈討論。節錄網民留言如下：
- 拒載原因係無保險係絕對合理，我試過伴人上白車，白車話如有事我無保險，結果我自行另坐車去急症室，再糾纏於爭拗無意思，一句無保險真惡哂！
- 司機影人相放上網件事就好無品
- 如果 Bb 唔當係人既話 擺車尾箱囉
- 法例還法例，保單條款還保單條款。出咗事保險唔賠，賠到你破產呀
- 唔講安全 齋講法例 係拒載
運輸署的道路使用者守則說明，所有駕駛車輛，「乘客必須有妥當和穩固的座位。載客人數不得超出車輛牌照的規定（未滿三歲的小童不計算在內。三名三歲或以上而不高於 1.3 米的小童，應可作兩名乘客計算。）
拒載又如何？
根據《道路交通（公共服務車輛）規例》，的士司機濫收車資、拒絕載客和兜攬乘客即屬犯罪，一經定罪，可處第三級（即一萬元）的罰款及監禁六個月。但超載無保險對司機和乘客又係出事，政府是否有責任跟的士和保險業界溝通，解決上述問題呢?
【精選消息】
【精選消息】
【精選消息】
Source：的士司機資訊網taxi, 巴打絲打FacebookClub, 運輸署, 政府新聞網