聖誕假期將至，不知各位學生期待嗎？答案可能未必。一來要花時間準備假期後的大考；二來有繁重的假期功課等著被 K.O.；第三可能就關乎近來教育局首席教育主任鄭銘強在《局中人語》撰寫，以「有趣和有意義的家課 引發學生的學習動機」為題的文章。
鄭主任這篇文章雖然提到「開放式並具趣味的家課，相比機械式的抄寫課業，或只倚重單一模式的紙筆家課，肯定更能讓學生覺得有趣，樂於用心把家課做好。」，並以「製作短片、自彈自唱的自創歌曲、自製聖誕應節小食」為例子，「激發想像力和創意，把生活和學習結合起來，從而獲得滿足感。」可是有網民看完文章認為，當中所提的方案不切實際，甚至鬧爆「要學生做假期功課已全無創意，可以構思一啲『交功課』以外的學校生活嗎？」
【精選消息】
【精選消息】
網民認為鄭主任所提的方案不切實際，是因為當中出現了一個嚴重邏輯錯誤：「你要減輕家課嘅壓力，就係俾多樣與別不同嘅家課你做」，此舉即是學生們一樣要做功課及面對功課壓力，沒有因為功課類型的不同而感到輕鬆之外，甚至有其他網民有感「不只玩 X 啲細路，更是玩 X 啲家長」，更教出身寒微的基層學生及家長情何以堪呢？因為家長沒有錢購買拍片器材，又或者自製小食的材料，那麼小朋友就沒有功課交，不論家長及學生都各有煩惱，完全不能達到「把生活和學習結合起來，從而獲得滿足感」的預期效果。
其實教育局的 goodest logic，都不只出現了一次，難怪有網民直斥：「離地中產式功課、玩殘低下階層」，以及「聖誕仲要做功課已經錯，要有創意更錯」。不知大家同意嗎？
其他網民留言：
「你要減輕家課嘅壓力，就係俾多樣與別不同嘅家課你做」
「等睇學生拍遺言交功課」
「阿首席教育主任要學生做假期功課已全無創意，你可以構思一啲『交功課』以外的學校生活嗎？」
「聖誕仲要做功課已經錯，仲要有創意更錯」
「又係教局嘅傻的嗎 idea」
「玩勁 X 細路咩」
「離地中產式功課，玩殘低下階層」
「叫個傻的嗎，放假拍片俾老細睇吓」
「減輕家課壓力，增加家長壓力」
「已經想像到會發生咩事。家長鬥拍片，又搵 studio 又用靚 cam，窮學生就用垃圾電話對住屋企幅牆拍」
Source: hkgolden