大家平時去便利店買東西，喜歡用現金還是八達通？假如是後者，「嘟」完之後又會否要求收據檢查？稍早前，有網民在「巴打絲打 Facebook Club」群組表示，本來只是買一杯汽水，卻收多了一包香煙錢，並質疑該店員是故意，並非一時不小心。
【科技】
【流動】
從樓主分享的單據可見，事情在元旦日近晚上 11 時，於旺角某便利店發生，她表示：「大家去買嘢嘟八達通一定要攞單，頭先買杯汽水用八達通扣錢，個男收銀好閃縮好快手將顯示餘額個 mon 㩒走左，平時唔 check單既我叫佢比張收據黎睇，點知佢話唔好意思唔小心收多左我錢，睇返張單仲要嘟多左包萬保路 57 蚊，真係你老闆！」樓主同時補充，認為該店員很可能是「慣犯」，故意不給收據。
樓主發帖後，惹來不少迴響。不少網民都建議樓主報警，或打電話到服務熱線投訴，另外亦好些人表示，自己也遇過類似情況：「直情唔過機收我雜誌錢，9 成自已袋，因為無見距開收銀格」、「我都試過，臨拍一刻見咁貴即睇睇，原來多左包萬寶路。果刻收銀好似真係好大意咁，所以我也不以為意。大家還是小心小心」、「增值係最鬼，一定要𥄫實個 mon 同餘額」等。做法有可能是店員自己入 code，如此便不用直接掃瞄條碼。不過，也有網民覺得，「有可能係真係會唔小心收左多，可能上一個客話買煙又唔買，唔記得取消，退返錢俾你就算啦，不過用八達通俾錢真係要睇清楚收左幾錢。
Source：巴打絲打 Facebook Club